Sorgul Şêxo

 

TILTEMIR - Kooperatîfa Qesrike ke serra 2014an de hetê 300 Endamê bajarê Zirgan, Dirbêsîyê û Til Temirî yê Kantonê Hesekî ra ame awankerdiş, seba awankerdişê ruhê komunal mîyanê bajaran de wayîrê girîngîyêke pîl o.

 

Kooperatîfa Qesrike ya ke serra 2014an de hetê 300 Endamê bajarê Zirgan, Dirbêsîyê û Til Temirî yê Kantonê Hesekî ra ame awankerdiş, seba awankerdişê ruhê komunal mîyanê bajaran de wayîrê girîngîyêke pîl o. Seba ke Kooperatîfe heme netew û bajaran ana têhet û yewîyêke mabêne înan de dana awankerdiş.

 

Kooperatîfa Qesrike ke mîyanê sînorê Til Temirî de ya, beşê sey pesûdewarî, ramitiş, hacetê ramitişî û beşê îdarekarî estê. Kooperatîfe serra 2014an de hetê 300 Endamê mintiqayê Zirgan, Dirbêsiyê û Til Temirî ra amî awankerdiş. Dayey erdê ke Koperatîfa Qersike girewtê 33 hezar donim ê la nika donimê ci kêm bîyê û heta  15 hezar donim kewto û hûmara kesê ke koperatîfe de xebityenê zî nêzdîyê 5 hezaran ê. Têkildarê babete endam û îdarekarê kooperatîfe derheqê kar û xebate xo de zanayîş dayî.

 

'Sîstemo verê mintiqa de ked û hêzê şarî pûç kerdib'

 

Îdarekara Kooperatîfe Fatima Cemîle amancê akerdişê kooperatîfe şîrove kerde û wina va: "Sîstemo ke mintiqaya verê de serdest bi her wext hêz û keda xebatkaran pûç vetêne. Her çî înan ra peyda kerdêne la rayîr nêdayne ke bi erjê xo wirzê û rolê xo kay bikerê. No semed ra zî Kooperatîfe rewşa bîyaye rê bî alternatîf. Kooperatîfe destpêk de baş nêameyne famkerdiş la bi wext dir heme kesî cayê xo kooperatîfan de girewtî û resayî a bawerî ke do kooperatîfe yewîya înan bida awankerdiş."

 

Fatimaye derbarê kêmbîyayîşê donimê kooperatîfe de zî wina va: "Destpêk de dayeyê erdî 33 hezar donim bi la seba ke hîn hin donimî aîdê şarî bî peyser girewtî, nika 15 hezar donim destê ma de mend û erdê ke destê ma de mendê yenê citkerdiş."

 

'Ma wazenê pesê ke neslê înan qedêno bipawê'  

 

Îdarekara beşê pesûdewarkarî ya kooperatîfe Sîlva Şikrî zî wina va: "Beşê pesûdewarkarî de 1776 pes estê, hîn keyeyî cayê Kooperatîfe de manenê û înan wey kenê. Heto bîn ra verê ma de pesê boz estê û no reng germ û serdî rê tehmûl nêkeno. La ma nêwazenê ke biroşê û neslê înan zî biqedênê. Seba ke no tewir pes rojawanê Kurdistanî de nîno vînayîş û tena Başûr û Iraq de esto. Weykerdişê nê pesî zaf zehmet o."