STENBOL -  Hemsereka Pêroyî ya HDPyî Pervîn Buldane dîyar kerde ke Dayîkê Aştîye pey têkoşînê rewa yê û heqdar ê û wina va: "Ganî vera nê ferasetê despot her kes, her qadî sey Qadê Galatasarayî bivînê. Ganî her qadî de aqûbetê vindîbîyayeyan bêro perskerdiş. Ma do nê bikerê."

 

Dayîkê Şemeyî hewteyê 704ê de aqûbetê vindîbîyayeyan pers kerdî. Hewteyê 700in ya çalakîya Dayîkê Şemeyî de polîsan mudaxale kerdib û xeylê kesî uca de ameyî derbkerdiş û tepiştiş. Çalakîya 700in zî hetê wezîrê karê zereyî Suleyman Soylu ra ame qedexekerdiş. Dayîkê ke seba şêrê Qadê Galatasarayî, ÎHDyê Stenbolî de yenê têhet û hetê polîsan ra yenê astengkerdiş. Çalakîya dayîkan hewteyê 704 de amî astengkerdiş û dayîkan hewl da verê awanîya ÎHDyî de îzahat bidê. La polîsan mudaxaleyê dayîkan kerdî û destûr nêdayî îzahat verê berî de bêro dayîş. Mudaxele de xeylê kesî ameyî derbkerdiş.

 

'Ma fek têkoşîn ra vera nêdanê'

 

Hemsereka Pêroyî ya HDPyî Pervîn Buldane mudaxaleyê polîsan şîrove kerde û va çalakîya 700yin Dayîkê Şemeyî kenê sebeb û hewl danê ke înan bêveng verdê. Pervîna ke aye zî merdimê vindîbîyayeyan a, da zanayîş ke seba îzahatê hukmat û bi taybet zî wezîrê karê zereyîn Dayîkê Şemeyî bi çend hewteyo rewşêke cîya cuyenê û va ke sey Merdimê Şemeyî, sey Dayîkê Şemeyî qetî fek têkoşînê xo ra vera nêdê, tîya ra tepya zî seba aqûbetê vindîbîyayeyan bêrê têhet.

 

'Ma pey têkoşînêke heqdar û rewayê'

 

Pervîne da zanayîş ke vatişê wezîrê Karê Zereyîn seba Dayîkê Şemeyî vatişê ke vatê hedef gêno û wina va: "Ma dîyar kenê ke ma do qetî destûr nêdê ke waştişê cigêrayîşê heqê yê 23 serran ke hetê wezîrî ra bêro peynîkerdiş. Ma pey têkoşînêke heqdar ê. No waştiş tewr rewa yê dayîkan o. Bi şîdet cewab danê qêrnayîşê dayîkêke domanê xo vindî kerda. No despotî yo. Vera nê ferasetê despotî do dayîkî her wext ra tewr xurt qadî de bê. Ganî her kes her qadî sey qadê Galatasarayî