Nûpelda Têkoşîn/ Delîla Axîn

 

ŞENGAL - Dewa Barî yê Şengalî de cinîya bi nameyê Xezal Hamo bi keda destê xo debara xo kena û vana ke seba cinî nêpelçiqyê û serê linganê xo de vinderê ganî bixebityê û xo ver bidê. 

 

Şengal de pêwa heme zor û zehmetîyan cinîya bi nameyê Xezal Hamo ke Dewa Barî yê Şengalî de manena fêkiyan çînena û debara xo bi rotişê înan kena. Xezalê vana cinî hêvî û bingeyê komelî yê û ganî cinî keda xo rê wayîr vejîyê.

 

Xezal Hamo dîyar kerde ke aye xebate ra zaf hes kena û va: "Dewa ma ya bi nameyê Barî de baxçeyê ma estê. Ma mîyanê baxçe de încîr, hinar, zerdal û çî bînan ramnenê. Dima ra ma roşenê û ma pê debara xo kenê. Nika zî seba zimastanî ez hinaran wişk kena. Seba ke fêkiyê ke ma çînenê tebîî ê yê seba weşîya merdimî zî baş ê. Wexto ke ez şina mîyanê baxçeyê xo û warway pay dana serê herre ez aram bena. Ez zaf herre xo û baxçeyê xo ra hes kena. Wexto ke ez debara xo bi destê xo kena ez tewr hêzîn bena. Pêşnîyarê mi heme cinîyan rê a ya ke bixebityê û hêzî xebata xo ra bigirê."

 

'Cinî hêvî û bingeyê komelî ya'

 

Xezale qiseykerdişê xo wina qedêna: "Dimayê fermanê 3ê Tebaxa 2014an dima xeylê Êzidî ameyî koçberkerdiş, remnayîş û qetilkerdiş. Nika pêwa heme zehmetîyan ma hewl danê ke cuyake newe awan bikerê. Ma wazenê heme Êzidî ageyrê serê herre xo. Şengal her ca ra weştir o, herra kalik û pîrêkanê ma ya.   Ez zaf  kêfweş a ke serê herra xo de xebityena û bi keda destê xo debara xo kena. Cinî hêvî û bingeyê komelî ya. Ganî heme cinî bixebityê û keda xo rê wayîr vejîyê. Ez do heta peynî vera bêheqî têkoşîn bikerî û keda xo rê wayîr vejîyê.

 

https://www.youtube.com/watch?v=1zr8K1ayHk0&feature=youtu.be