ÎZMÎR - Meclîsê Ekolojî yê HDPyî Ayşegul Demîrkole dîyar kerde ke înan bi serran vera polîtîkayê enerjî zirar danê xoza vatê ‘Roj û hewa qîmê ma keno' û têkoşînê xo meşnayê û wina va: "La vînenê ke ê zî bîyê tekel.”

 

Îqtîdarê AKPî her cayê Kurdistan û Tirkîya HES awan kerdê serê erdê dewlemend zî santralê termîkî awan kenê. Tewr peyîn Akkuyu yê Mersînî bingeyê santralê termîkî ame eştiş. Meclîsê Ekolojîyê HDPyî ra Ayşegul Demîrkole dîyar kerde ke polîtîkayê enerjî rijnayîş xo dir ano û wina va: "Ma bernameyê Vera Nuklerî de bi vatişê ‘roj û hewa qîmê ma keno' dest pêkerdib. Belkî no prosesêke 10-15 serran o. La ma dî ke ê zî bîyê tekel.

 

'Ganî lazimîyê enerjî mintiqa ra dîyar bibo’

 

Ayşegule da zanayîş ke ê sey HDPî wazenê ke enerjîya nuklerî bêra qedexekerdiş û va ê her çîyê ke zirar dano sîstemê ekolojîk mintiqa ra rêxistin kenê û hewl danê qalî bikerê û wina va: "Mintiqa ra lazimîyê enerjîye bêra dîyarkerdiş eşkena vernîye rijnayîşê ekolojîkî bêra girewtiş. Dewlete erezî û warê daristanî de ‘rayîrê duble’ akena. Nê dir zî zirarêke pîl dana. Ma sey HDP zirarê projeyî verê ra neql kerd."

 

‘Ganî torra piştdayîşî aver berê'

 

Ayşegule da zanayîş ke şar bi pêroyî û bi taybet zî Behrosîya de kulturê têkoşînî pîya aver şino û wina va: "Ganî piştdayîş bi rêxistinbîyayîşêke pîl bêro meşnayîş. Behrosîya de têkoşînêke bibo gerek zanayîşê Akdenîzî zî ci ra bibo. Îmkanî zî estê. Hewldayîşê krîmînalîzekerdiş HDPyî dewam kenê û pêwa nê ma mintiqan de platformê ekolojî de ca gênê. Ma awankerdişê heta awankerdişê Platformê Vera Nukleerî de zî ca gênê. No têkoşîn nêzdîyê 25-30 serre dewam keno."

 

Ayşegule hêrişê cendermeyan vera dewijan zî şîrove kerde û wina va: "Keyayêke zî ma ra va; 'Merdim senîn anarşîst bîyê, ma ê dî. Seba ke ez erdê xo pawena, ez vera çîyê ke zirar danê mi vindena. La vera ke cenderme mi bipawê hêriş kenê'. Dewijî êdî kam ‘terorîst o’ bi çimanê xo vînenê."