MEREŞ - Dewa Terolarî vera kampa penaberan xoverdayîş ame destpêkerdiş û cinîyê ke cepheyê tewr vernê de ca girewtî ra Done Goksungure wina va: "Wazena komelê Elewî yê Kurdan pasîfîze bikerê û koçberî înan rê ferz biker. Wazenê bi koçberî no warî bigîrê dest. No semed ra gerek ma xo rêxistin bikerê.

 

2016an de vera kampa AFADî ya dewa Terolarî qezaya Dulkadîrî yê Mereşî, cinîyan çalakî viraştibî û veng dabî. Şarê Terolar ke qirkerdişê 1938an Dêrsimî, 1978an Mereşî, 1980an Çorumî, 1993an yê Sêwasî vîra nêkerdê, fikrê înan dewam kenê. Şarê Elewî Dêrsim ra heta nika serewedartişê xo nêdayê vindarnayîş, bi serran o mecbur mendî koçê Ewropa û metropolan bikerê. Nika bi polîtîkayêke cîya asîmîlasyonî dir rî bi rî ameyî.

 

'Xoverdayîş ame pasîfîzekerdiş'

 

Done Goksungure yew sembolê xoverdayîşê Terolarî yê  Nîsana 2016an de destpêkerdo yo. Doneye hîrê birayê xo têkoşînê azadî de vindî kerdê û qet fek têkoşîn ra vera nêdaya. Doneye wina va: "Bi 30 serre yo ez na dewe de cuyena. Ez yew pêşenga xoverdayîşî ya. La vera kampe xoverdayîş ame destpêkerdiş. La xoverdayîş bênetîce mend. Seba hîn kesê mabêne hewl dayî xoverdayîşê ma pasîfîze bibo.”

 

'Ma zanê na dewe çim ra ameya vetiş'

 

Doneye da zanayîş ke polîtîkaya Tirkîya multecîyan lêşina û wina va: "Wazenê ma zî koç bikerê. Bi taybetî Terolar de komelê Elewîyê Kurdan esto û HDP zî tîya ra rayan gêno. Ma wina fikrîyenê ke no semed ra tîya kampe ameya viraştiş. Wazenê komelê Kurdê Elewîyan pasîfîze bikerê. Ma vera penaberan nîyê la ma kayê ke serê penaberan yenê kaykerdiş zanê. Ez veng dana heme kesan ke ma xo rêxistin bikerê. Ma zanê ke na dewe çim ra ameya vetiş. Penaberê neweyan anê û ya zî hîn şinê. Derûdora kampe de erseyê şarî estbî. Qerar amebi dayîş ke kadastro bîyarê û erde têduşt dewijan rê bêro parekerdiş. La dimayê ke kampe amî awankerdiş, tîya ame desteserkerdiş. Qirkerdişê Mereşî meydan de yo. Na rewşe bîyaye de beno qirkerdişêke bîn bêro cuyayîş. No semed ra vengdayîşê rêxistinbîyayîşî heme kesî kena.

 

'Polîtîkayê ajanî yeno meşnayîş'

 

Doneye tewr peyîn qiseykerdişê xo de arde ziwan ke yew problemo tewr pîl ê akerdişê kampe, keyayan bê zanayîşê şarî îmza dayo û wina va: "Fikar û tersê ma estê la heta ça? Gerek ma sere wedarnê û vera nê polîtîkayê lêşin vinderê. Bi taybet bi xoverdayîşê Terolarî polîtîkayêke ajanî kerdê dewre. Ez no het ra veng dana heme dewijanê ma ke xo rêxistin bikerê.”