MEREŞ - Welatîyê elewî yê ke dewa Terolarî yê qezaya Dulkadîrî yê Mereşî de cuyenî, 2016î de vera kampa ke kapasîteya aye 27 hezar a û girêdayeyê AFADî ya de bi rojan nobete tepiştî û xover dayî. Vîşêrê elewîyê Mereşî elewîyê Tirkîya û Ewropa reaksîyon nîşan dabî viraştişê kampe.

 

Welatîyê elewî yê ke dewa Terolarî yê qezaya Dulkadîrî yê Mereşî de cuyenî, 2016î de vera kampa ke kapasîteya aye 27 hezar a û girêdayeyê AFADî ya de bi rojan nobete tepiştî û xover dayî. Vîşêrê elewîyê Mereşî elewîyê Tirkîya û Ewropa reaksîyon nîşan dabî viraştişê kampe. Elewîyê ke raştê mudaxale û hêrişî polîsan ameyî dîyar kerdî ke ê vera kampe de nîyî, la kampe seba asîmîlasyonê bawerî, kultur û ziwanî ya. 

 

'Koçberî dewam kenê'

 

Nizdîyê 30 hezar koçberî kampe de ameyî bi cakerdiş. Dormeyê kampe de 24 dewî estî û hûmara pêroyê înan 5 hezar a. Şarê Meletî dîyar kerd ke kampe xeylê nizdîyê înan a û vetişê hedîseyan ra bi şikin î. Xeylê elewîyî krîzê ekonomî û kampe vera koçê sewbîna cayan kerdî.

 

'Merdimê xirab yenî kampe'

 

Babete ser o keyayê kehen yê dewe Velî Eturk, Cinîya Bi nameyê Donel Topluca û Yeter Ayhane qisey kerdî û qiseykerdişê xo de dayî zanayîş ke tay merdimê xirab yenî kampe û ê nêzanê nê kesî çikes î. Welatîyî reaksîyon nîşan dayî nizdîbîyayîşê kampê Terolarî û dîyar kerdî ke ê qewimîyayîşê hedîseyan ra bi şikinû û ganî berpirsîyarî tedbîran bigîrî.