AMED - Komeleya Hêvîyê Rengînan ke Sûr de ameya awankerdiş, seba domanan ‘kitabxaneyê pêkayan' akerde. Taybetîyê tewr girîng yê kitabxane zayend ferz nêkeno, bêtêduştî nêano vîr û teşwîqê şîdetî nîno kerdiş.

 

Koperatîfê Cinîyan bi nameyê Umut Işigi ke Sûrê Amedî de 18 serre verê ame awankerdiş, dimayê OHALî xo fes kerd û mabêne da xebatan. Koperatîfî newe ra qerar da xo awan bikero û sey ‘Komeleya Hêvîyê Rengînan’ dest bi xebatan kerd. Komela verê zî seba domanan xeylê xebate kerde û nika zî kitabxaneyê pêkayan akerde. Domanî zaf kitabxane ra hes kenê û her roje şinê kitabxane.

 

Koordînatorê Komela Yeter Erel Tuma, da zanayîş ke kitabxane tesrêke pozîtîf averşîyayîşê serê domanan keno.

 

'Kaykerdiş heqê tewr tebîî yê domanan o'

 

Yetere da zanayîş ke komela Sûr de akerdê û no semed ra zaf kêfweşê û wina va: "Umut Işigi wextê OHALî de û dimayê pêrodayîşê Sûrî dima fes kerd. Komeleyê bîn yê Sûrî heme ameyî padayîş. Ware veng mendib. Gerek Sûr de komeleyêke newe biameyne akerdiş. Ma zî no semed ra akerd. Kaykerdiş heqê tewr tebîî yê domanan o. Kuçeyî bêasayîş ê û warê kaykerdişî zî çin o. No semed ra ma zemînêke domanî kay bikerê û kêfweş bibê amade kerd. Eynî wextî de atolyeyê komelî û kulturî zî estê. Seba cinîyan zî bername yenê amadekerdiş."

 

'Lazimî bi kitabxaneyê pêkayan estbi'

 

Yetere arde ziwan ke domanî xeylê pêrodayîşan ra tesîr bîyê û wina va: "3 serrî serê pêrodayîşan ra derbaz bîyo la hema zî tesîrê travma esto. No semed ra ma waşt ma ganî xebatê rehabîlîtekerdişî bidê destpêkerdiş. Ma kitabxaneyê pêkayan akerd. Ma name nusnenê û pêkayan vila kenê. Rojê dişem û panşeme ma name nusnenê û pêkayan vila kenê. Wa keyeyî domananê xo bieşrawê kitabxane."