ŞIRNEX - Ocaxê kerra û komirê yê Koyê Cudî, zirarêke pîl danê çimeyê awe. Dewijan dîyar kerd ke tozo ocaxê kerran vejîyeno meydan beşdarê awe beno û vatî: "Wina şêro do kes nêeşkeno awe bixebitno."

 

Ocaxê kerreyan yê bi nameyê hûmara 1 û 2 yenê binamekerdiş yê qeraxê Koyê Cudî, cuya merdiman û xoza kenê xeter. Ocaxê ke pêwa bi serran o veraqanûnî yenê xebitnayîş, tu tedbîrê înan nîno girewtiş û 2014an heta nika qezayê ke ameyê cuyayîş de 14 karkerî cuya xo vinî kerdê. 15 karkerî zî birîndar bî. Ocaxê ke hema akerdê û xebityenê, 140 metre binê erdî de yê.

 

Beşdarê awe beno 

 

Xêrcê ocaxan, qeraxê Koyê Cudî de zî viraştişê ocaxê newe dest pêkerdo û nika de zirarêke pîl danê awa çimeyan. Hemwelatîyê dewa Cîfaneyî dîyar kerdî ke awa verê pak ameyne nika heme herre û heywanan zî lêşinî ra tesîr benê.

 

'Eke wina şêro ma do nêxebitnê'  

 

Cinîya bi nameyê Emîne Bîrlîke da zanayîş ke êdî nêeşkenê berardişî seba werdî zî bişoy û wina va: "Ma verê bi na awe heme çî şimitine. Ma werdê xo heme pê viraştêne. La nika seba ocaxa kerran ma nêeşkenê biker. Seba herre awe tesîr bîya. Bi her teqnayîşê dînamîteke dir tewr zêde lêşin bena. Dewijî tewr zêde bi tesîr benê.