AMED - Îdareyê HDPî ya Amedî Suzan Îşbîlene dîyar kerde ke krîzê ekonomî her ke şino kûr beno û çareserîyê problemê ekonomî û yê bîn bi wedartişê tecrîdê serê Rayberê PKKî Abdullah Ocalanî mimkin o.

 

Krîzê ekonomî yê Tirkîya û kaos her ke şino kûr beno. Nê çî heme yenê cuyayîş û babeta tewr sereyîn zî tecrîdo ke Îmralî de yeno dewam kerdiş. Îdarekera Partîya Demokratîke ya Şaran (HDP) ya Amedî Suzan Îşbîlene derheqê babete de qisey kerde û va vera nê tedayan ke hegomonya sîyasî rayîr ver akerdo, dorê HDPyî torra têkoşînî hempar aver berê.

 

'Krîzo tewr pîl îhlalkerdişê heqan yê hepisxaneyan o'

 

Suzane da zanayîş ke Tirkîya de krîzêke kûr esto û tewr zêde bale anceno zî îhlalkerdişê heqan yê hepisxaneyan o û wina va: "Nêweş ganî bêrê dermankerdiş, nînê dermankerdiş. Domanê ke hepisxane de yê rewşa înan giran a. Rewşa Arîna qij e qet baş nîya. Maya Sîsê ke emrê aye pîl a û nêweş a la hepisxane de yena tepiştiş."

 

'Şar nê krîzî cuyeno'

 

Suzane da zanayîş ke îqtîdar hewl dano nê krîzî şarî ra binimno û wina va: "Hemwelatî êdî nêeşkenê tu çîyêk bikerê. Senîn konê market wina zî vejîyenê. Hêzê ma yê ekonomî qîmê nê bikero çin o. Aşma peyîn de her çî sera se vay bîyo. Hîn berardişî sera 200-300 zêde bîyê. Şar no krîzî cuyeno."

 

'Tirkîya ageyraya hepisxaneyê akerde'

 

Suzane wina va: "Parlamenter, hemşaredar, hemserek hepisxaneyan de yê. Hûmara hepsîyan yê tebera tewr zêde yo. Tirkîya açeryaya hepisxaneyo akerde. Çimeyê heme probleman tecrîdo giran yê serê Abdullah Ocalanî yo. Xelasî bi şiknayîşê tecrîdî mimkin o."