Melîke Aydin

 

AYDIN - Pêwa heme reaksîyonê dewa yeno waştiş ke JES bêro viraştiş. Dewe de vera JESan bi şewe û roj nobete gênê. Dewijî dîyar kenê ke seba JESan weşîya înan xira bîya û persê ‘sebebê nê israrê şima çi yo? Walî ra pers kerdî.

 

Dewa Kizilca qezaya Efelerî ke 3 km nêzdîyê Awbendê Îkîzdere yê Aydinî de yeno waştiş ke Santralê Enerjî yê Jeotermal (JES) bêro viraştiş. Dewijê Kizilca bi şewe û roje nobete gênê. JESo ke hetê Holdîngî Kar yê Gur ra yeno waştiş bêro viraştiş û seba raporê ÇEdî zî muracat kerdo, do tesîrêke negatîf serê mintiqa bikero. Dewijî dîyar kenê ke tesîrê JESî do tena serê dewe, serê ganeyê Havza Menderes û awa werdişî bikero û Îzmîrî bikero binê tehdîdî. Dewijan va do heta peyîn xo ver bidê.

 

‘Neweşîya rîşa merdimwere û merdişê dayîk û domanan de rêze yewin de yê'

 

Endama Platformê Kultur û Derûdorê yê Aydinî (AYÇEP) Senîha Gundogdu da zanayîş ke dimayê awankerdişê JESan , Aydin de hedîseyê nêweşîya rîşa merdimwere û merdişê bebekan kewto rêze yewin û va lazimî bi santralî çin o û wina va: "Lazimîyê ma bi înan çin o. Aydin mintiqayê ramitişî yo. Încîrê ma wişk benê. Zeytûnê ma wişk benê. Ramitiş qedîya. Wexto ke ramitiş çinbo debare zî çin a. Ganî ma ameyoxêke weş domananê xo rê verdê."

 

'Do heme Aydin û mintiqa binê tesîrê nê de bimanê'

 

Cinîya bi nameyê Emîne Tokera ke cepheyê vernîye xoverdayîşî de ca gêna seba ke vernîyê JESî bêro girewtiş, vengdayîşê têduştî kerde û va mintiqa de yeno plankerdiş ke 120 termal bêrê viraştiş û heta taxa Mîmarsînan ya qezaya Efeler şîya û va nê JESî do tesîrê serê heme Aydin û mintiqaya Ege bikerê.

 

Cinîya bi nameyê Zehra Dogrule zî wina va: "Ma verê ra zirarê santralan vînenê. Ma nêeşkenê boya xo bidê. Nika ra firingiyê ma xira bî. Keda ma veng şina. Verê ma berardişê xo heta zimistanî berdêne. La nika aşmêke de heme çî ma xira bi.

 

'Sebebê israrî çi yo?'

 

Cinîya bi nameyê Leyla Çiyanşene zî da zanayîş ke seba domananê xo egzozê bajar bipawê ameyê dewe û va: "Xêrcê dewe mi cayêke ez şîrî çin o. Ganî ma newe ra ageyrê cuya tebîî. Bi amancê xoverdayîşê ma bişiknê ceyran birnayî. Cenderme eşrawitî dewe. Feydeyê jeotermalan şîrketan rê esto. Dewlet û şîrketan nê çî ardî sereyê ma. Ez şaredara Aydinî Ozlem Çerçîoglu ra waştiş kena dest nêda ser. Cenderme cendermeyê şaran nîyê. Eke wina bibayne înan ma bipawitêne. La ma do vera nê vejîyê. Ma do nêverdê sondaj bikerê. Ganî ma heme dewijî bibê yew. Ez Walî ra pers kena; 'Sebebê nê israrî çi yo?”