WAN - Parqo ke hetê şaredarîya DBPyî Taxa Arçekî yê Rayîrêarmûşî amebi viraştiş, nika seba peygoşkerdişê qayûman, çop û kavilan ra şar nêeşkeno roşo.

 

Dimayê ke qayûm tayînê şaredarîyê DBPî ameyê kerdiş pêkûtîyê înan dewam kenê. Xeylê projeyê ke wextê şaredarîyê DBPî de amebi destpêkerdiş hetê qayûman ra ameyê vindertiş. Serra 2015an de parq û baxçeyan ê Şaredariya Rayîrêarmûşî ra qerexê gole ya Taxa Arçekî de parq amebi viraştiş. Parq de borûyê ewnêyayîşê mîlçikan, bandê qeraxî ameybî viraştiş. Heto bîn ra derdûora parqî de darî ameybî ronayîş. Her ameyîşê mewsîmê wisarî de şarî verê xo dayne parq la nika seba çopî şar nêeşkeno parq de binişno ro. Eynî wextî de kerrayê parqî cayê xo ra ameyê wedartiş û wina ameyê verdayîş.

 

Her çîyêk parq de esto! 

 

Parqo ke wextê şaredarîyê DBPî de dimayê xebatêke pîl dima amebi viraştiş, nika seba çop û kavilan şar nêeşkeno binişno ro. Şarî reaksîyon vera bêberpirsyarîyê qayûmî da û vatî ke ganî qayûm fek xizmetê meşgulkerdişî ra vera bido.