STENBOL -  Aksu Bora dîyar kerde ke ganî cepheyê weşanger û wendoxan de torra rêxistin û piştdayîşê newe bêro awankerdiş û va: "Wendiş û nuştiş bi qasê teslîmê nê pîyasî nêbê girîng ê. Ma se kenê bikerê gerek ma bîyayîşê xo dewam bikerê."

 

Seba sektorê kaxidî girêdayê dovizî yo krîz roj bi roje pîl beno û xeylê  mezin dibe û gelek kovar, rojname û weşanxane ver bi padayîşî yê. Yew awankerdoxê Weşanxaneyê Ayîzî weşanxaneyêke femînîst o, nuştox Aksu Bora krîz şîrove kerde. Aksu Tirkîya de rotişê Selîloz û Fabrîkayê Kaxidî  (SEKA) ard vîr û da zanayîş ke 2005an de dimayê fabrîkayê Îzmîrî dewrê şaredarî ameyê kerdiş, berardişê kaxidî yê Tirkîya bi pêroyî de ameyê qedênayîş.

‘Kaxid lazimîyêke cuyayîşî yo'

Aksu o wext ard vîr û va: "Taybetkerdiş, dewrkerdiş sektorê taybet, erazîyê fabrîkayê viraştişê parqî, sey teşwîqê pîyasa sîstemê sîya yê dewlete ekonomî ra ameyê antiş, ame munaqeşekerdiş. Dore nêamebî problemê spesîfîk yê ke bi sektor ameyê taybetkerdiş dir ameyê awankerdiş. Nika ma yew nê problemê spesîfîk cuyenê. Dimayê ke pereyê Tirk erj vindî kerd, ma girêdayê kaxidê îthal bî. Seba hînan kaxid lazimîyêke cuyayîşî nîyo. La kaxid lazimîyêke cuyayîşî yo."

'Weşangerî her wext zehmet bî’

Aksu arde ziwan ke Tirkîya de weşangerî her wext zehmet bîya û wina va: "Weşangerîyê rojnameyî  bi tena sereyê xo zehmet o. Ez weşangerîyê kulturî zana. Vera weşênayîşê kitabê testî, weşênayîşê kitabê kulturî rewşêke taybet o. Bi problemê ekonomî dir problemêke pîl bîyê."

 

'Ma xo ra krîz de bî'

 

Aksu da zanayîş ke sey sektorî weşanxaneyêke qij hetêke yê û wina va: "Ma xora mîyanê krîzî de bî. Vilakerdiş û rotiş xora zaf bi problem bi. Seba nê bandurê krîzê ekonomî serê ma de pîl nêbi. Ma eşkenê xo bi îmkan bivînê. Ma kêm kitab weşnayne. Hêzê ma seba ke zaf çin bi. Nika gerek ma tewr kêm bikerê. Şîyayîşê çapkerdişî zaf vay bîyê. Ma nêeşkenê goreyê vayîya kitaban zêde bikerê. Wendiş û nuştiş bi qasê teslîmê nê piyasî nêbê girîng ê. Ma se kenê bikerê ma ganî bîyayîşê xo dewam bikerê."