Şêrîn Zêrevan-Delal Cemîl

 

TIRBESPIYÊ - Şarê Dewa Kil Hesenakî ya Tirbespiyê derbê leşkerê tirkî vera problemê awe ancenî. Cinîya bi nameyê Fedîla Ferhoya ke Dewa Kil Hesenakî de cuyena wina va: “Wexto ke ma nizdîyê hênî benî  leşkerê tirkî gule reşênenî ma ser. Ma wazenê no zilm peynî bibo û ma bi hawayo azade herra xo ser de bicuyî.”

 

Dewa Kil Hesenakî ya Tirbespiyê girêdayeyê Kantonê Qamişlo ya û 30 keye mîyanê aye de estî. Hemwelatîyê dewe wexto ke şonê hênî leşkerê tirkî gile reşênenî înan ser. Leşkeran vera dewe de problemê awe yeno cuyayîş û hemwelatî nêeşkenî hênî ra awe bîyarî keyeyê xo. Cinîya bi nameyê Fedîla Ferhoya ke Dewa Kil Hesenakî de cuyena daye zanayîş ke dewleta tirkî ya dagirker ti cayêk de asanî nêdana şarê kurdî û ganî vera zilmî de bêveng nêmanî.

 

'Leşkerê tirkî gule reşênenî'

 

Fedîla Ferhoye destpêkê qiseykerdişê xo de dîyar kerde ke eke problemê awe nêro çareserkerdiş do cuya înan hîna zehmetin biba û wina dewam kerde: “Verê cû dewa ma hîna rind bîye. Hênîyê dewe xeylê rind o û wexto ke ma şonê hênî boya ma vejîyena. La leşkerê tirkî destûr nêdanî ma nizdîyê hênî bibî. Ciwanêk dewa ma ra wexto ke şî hênî leşkerê tirkî gule reşênayî ci ser û cuya xo vînî kerd. Ganî no zilm bêro dîyiş û dinya reaksîyon nîşan bida.”

 

'Ganî ma bibî yew û vera zilmî de bêveng nêmanî'

 

Fedîla Ferhoye qiseykerdişê xo yê peyênan de wina va: “Seba ke problem bêro çareserkerdiş, ganî xoverdayîşêk ortax bêro dayîş. Wexyo ke ma nizdîyê hênî benî, leşkerê tirkî gule reşênenî. Wa no zilm biqedî yo û ma bi hawayo azade herra xo ser de bicuyî. Dewleta tirkî ya dagirker ti cayêk de asanî nêdana şarê kurdî. Ganî ma bibî yew û vera zilmî de bêveng nêmanî.”