MELETÎ - Keyeyan dîyar kerdî ke cenazeyê HPG û YJA STARî yê Sazgehê Tipa Edlî yê Meletî yenê vindernayîş îşkence ameyê kerdiş û vatî nêzdîyê 60 cenazî zî goristanê bêkesan de ameyê definkerdiş.

 

Cenazeyê endamê HPG û YJA STARî ke tarîxê cîya de cuya xo vinî kerdî Sazgehê Tipê Edlî yê Meletî yenê vindernayîş. Yeno vatiş ke 15-16 cenaze Sazgehê Tipê Edlî de yê û hema hema her roje cenaze yenê tîya. Keyeyan dîyar kerdî ke cenazeyê îşkence ameyê kerdiş, bedenê înan parçe bîyê û vatî seba ke hîn ca sazgehê tipê Edlî çin o, Gorê Goristanê Bajar yê Meletî yenê vindernayîş. Keyeyan vengdayîşê hîsgirî kerdî û vatî şert çi benê wa bibê do wayîrê domananê xo vejîyê.

 

Neqlê keyeyan ra nê zanayîşî vejîyenê meydan:

 

*Bi taybet bi serrêke û nîm cenazeyê mintiqayê Dêrsim û Çewlîkî yenê nînê naskerdiş.

 

*Rêçe pêrodayîşan, bi SÎHA (Wesayîtê Hewayî yê Bêmerdim yê bi Çek) hêriş viraznenê.

 

*Warê pêrodayîşê vera cenazeyan caardişê xerab yenê kerdiş

 

*8 cenaze bi aşmêke morg de yenê vindertiş û kerm kewtê cenazeyan.

 

*Cenaze yew parçe nîyê, hîn keyeyî domananê xo nêeşkenê teşhîs bikerê.

 

*Wazenê keyeyî yew bi yew cenaza biewnê û teşhîs bikerê û bi nê îşkenceyê psîkolojîk kenê.

 

*Cenazeyê 15 rojan de nînê girewtiş goristanê bêkesan de yenê definkerdiş.

 

*Hîn keyeyî seba endîşeyê cenazeyan xocabîyayîş defin nêkenê.

 

*Şaredarî wesayîtê cenaze nêdanê, keyeyî bi îmkanê xo wesayît kîra kenê.

 

*Goristanê bêkesan nêzdî 60 cenazeyî estê.

 

*Beşêke cenazeyê goristanê bêkesan ameyî definkerdiş yê Rojava û Îranî yê. Ame zanayîş ke hukmatê Îranî cenazeyan qebûl nêkenê.