WAN - Qezaya Mîks ya Wanî dewa Yuceyî de cinîyan seba zimistano derg û serd dest bi amadekarîyan kerdî. Cinîyê ke baxçeyan ra sebze kom kerdî, kerdî konserve û heto bîn ra zî peşmî yê ke çeman de şitê kenê lihîf.

 

Qezaya Mîksî ya Wanî cinîyê dewa Yuceyî, amadekarîyê zimistanî dewam kenê la emsar seba şertê hewa berardişê ke waştê nêbîyê. Besna Yildize va seba şert û mercê zimistanî nêeşkenê bixebityê û 6 aşman zere de nişnenê ro û ver bi hamnanî baxçeyê xo çînenê. Besna wina va: "Ma xiyar, lane, îsot, kartol û fasuleyan ramnenê. La emsar kartol û îsotê ma xeylê ci ra xira bî. Seba hewa ma berardişêke baş nêgirewt."

 

Besnaye da zanayîş ke emsar miro zêde yê û wina va: "Peynîya hamnanî tîya miroyî zêde yê. Seba ke emrê miroyan kilm o, ma kom kenê û wişk kenê. Seba ke ma erjan roşenê zî qezencê ma zêde çin o."

 

'Ma sûke ra nêgînê, bixo berardiş kenê'

 

Cinîya bi nameyê Fadîme ke nêweşt peynameyê xo bida zî da zanayî ke yew sebzeyê tewr girîng ê zimistanî fasulya ya û wina va: "Ma fasulyan ya wişk kenê ya zî kenê dolaba qeşayî. Ma kenê konserve zî. Bi no hewa ma zimistanî rehet kenê. Ma sûke ra sebze nêgênê. Ma bixo çînenê û kom kenê."

 

Cina bi nameyê Medîne Fîdane zî arde ziwan ke karo ke merdimî rincan keno dekerdişê lihîfan o û wina va: "Ma peşmî kenê pak û dima ra derman kenê. Ma reyna ziwa kenê. Ma reyna kenê lihîf û derzenê. Ma peşmî xo benê verê çem î û şonê. Tîya zaf serd o. Lihîfî zî seba tîya tewr baş ê."