WAN - Ferhato 14 serre ke bi hêlaneka seyar hemserranê xo kêfweş keno, xeyalê ey tewr pîl o yo ke bê pere û bê sînor lunaparq de kay bikero.

 

Tirkîya de hûmara domanê ke yenê xebitnayîş, aşmê hamnanî de di qat zêde benê. Ferhato 14 serre yew nê domanan ra yo ke mecbur mendo pere qezenç bikero. Ferhat bi hêlaneka ke birayê ey viraşta taxe de geyrneno û domanan espar keno. Ferhatî dîyar kerd ke domanî na hêlaneka seyar balkêş vînenê. Ferhatî ard ziwan ke o qet nêşîyo Lunaparq û hêlaneka seyare rê qet espar nêbîyo zî bi milê xo geyrneno. Ferhatî da zanayîş ke domanî zaf kêfweş benê û va: "Ez zaf acis bena la peynîya roje de ez pereyê xo bena keye. Xeyalê min o tewr pîl o yo ke ez lunaparq de kay bikerî."