ŞIRNEX - Hepisxaneyê Tîpê T yê Şirnexî ke keyeyî her pêvînayîşî de rastê caardişê cigêrayîşê viran yenê. Ş.Cengîza ke merdimê hepsî bî vera nê vejîya 3 aşmî cezaya pêvînayîşî dayî ci û derheqê aye de cigêrayîş ame akerdiş.

 

Ame zanayîş ke Hepisxaneyê Tîpê T yê Şirnexî de keyeyî her pêvînayîşî de rastê cigêrayîşê viran yenê û vejîya meydan ke, keyeyê ke vera nê vejîyenê zî derheqê înan zabitname yenê girewtiş. Merdimê hepsîyan ardî ziwan ke odayê ke cinîyan  cigêrayîş kenê kamera estê. Ş. Cengîze dîyar kerde ke seba ke vera cigêrayîşê viran vejîyaya derheqê aye de cigêrayîş ameyo destpêkerdiş.

 

'Kamera oda de estê'

 

Ş.Cengîze va ke dimayê cigêrayîşî 3 aşmî cezaya pêvînayîşê akerde girewta û wina va: "Her pêvînayîş de eynî çî kenê. Heme çî serê ma de gênê. Odaya ke cinî yenê cigêrayîş de di gardîyanî estê. Heme çî ma vejênê. Kamera zî estê. Hemine kenê viran. Aşma vîyarte de zî eynî çî kerdî. La na rey zaf zêde kerdî. Mi zî va ‘êdî bes o’. Înan zî va 'ti kam a'. Mi va 'heqê şima çin o şima wina bikerê'. Vatî 'ma çi biwazê ma do bikerê'. Dimayê nê hema mi cilê xo nêdabî xo ra, gardîyanê camêrdî kewtî zere. Înan mi be odaya mudirî. Vatî, 'uca merdimêke hepsî wexto ke esrar derbazê zere kerda ameya tepiştiş û no semed ra cigêrayîşê viran kenê'. Dimayê ke zabitname ame hîrê aşmî cezaya pêvînayîşî û cigêrayîş ame destpêkerdiş.