SEMSUR - Yusuf Tunço ke verê ke beşdarê PKKî bibo vîrardiş nuştib, çapemenîye de sey 'maya xo ra hetkarî waşt' ame mojnarayîş û serê nê maya Şehrîban Tunçe amî tepiştiş. Ame dîyarkerdiş ke  Şerîbane hucre de yena tepiştiş û avûkata aye dîyar kerde ke derheqê xeberan de kar û barê qanûnî bidê destpêkerdiş.

 

Bajarokê Komurî yê Semsurî dimayê pêrodayîşê ke 4 leşkerî cuya xo vinî kerdê cendermeyan operasyonê tepiştişî dayî destpêkerdiş. Kaşkoy de eştî serê 12 adresan û yew ci ra cinî 8 hemwelatî ameyî tepiştiş. Her çiqas ke sebebê tepiştişî pêrodayîş bêro mojnarayîş zî tepiştiş de tu persê derheqê babete de nêame perskerdiş.

 

Mektubê Yusuf Tunço ke verê beşdarê PKKî bibo nuşto û vîrardişê xo yê Bulamî nuşto çapemenî de bi sernameyê ‘maya xo ra hetkarî waşt' ame weşênayîş. Yarîyê ke bi embazanê xo kerdê sey 'hetkarî' û selamê xo dewijan rê eşrawitê zî sey ‘sazbîyayîşê KCKî' şîrove kerdî. Dimayê nê xeberan maya Yusufî, Şerîban Tunçe sucdar amî îlankerdiş. Maya Şerîban bi sucdarîyê ‘serê nameyê rêxistine faliyet meşnayî', ‘endamîya rêxistine’, ‘propagandayê rêxistine’ amî sucdarkerdiş û sewqê hepisxaneyê Tîpê E yê Semsurî kerde.

 

Şerîbane mesajê ke bi hemkarîyê avûkatê xo de eşrawit de wina va: "Mi mektubê lajê xo yê ke vîradişê ey yê verê wedarna. Ez bi sebeb 4 rojan tepişnaye menda. Ez nê sucdarkerdişan qebul nêkena.."

 

Avûkat Bulent Temelî zî da zanayîş ke derheqê prosesê tepiştişê muvekîlê ey de çapemenîye de xeberî vejîyayî û va do derheqê çapemenîye de muracatê qanunî bikerê.