ENQERE\BAYBURT - Ame dîyarkerdiş ke seba awa bi cengarin danê hepsîyê cinîyê yê Sîncanî nêweşîya çermî vejîyaya raste û kantînê hepisxaneyî de zî awa bi markaya ‘cendirme’ yena rotiş. Eynî wextî de ame vatiş ke hepisxaneyê Bayburtî de zî awa germe hewte ra tena di rey û saetêke yena dayîş.

 

Avûkatan ke îhlalkerdişê heqan û tedayan hepisxane ra taqîb kerdî dîyar kerdî ke cuya yew rengî yena ferzkerdiş û yew înan ra zî Hepisxaneyê Cinîyan ê Sîncanî yê Enqereyî û hepisxaneyê Tîpê M yê Bayburtî yo.

 

Avûkatan bi muwekîlê xo dir pêvînayîş kerdî, dîyar kerdî ke her di hepisxaneyan de zî vera hepsîyan de tedayê cidî estê. Heto bîn ra dayî zanayîş ke serê lingan de hûmartiş yeno ferzkerdiş û no semed ra zî cezaya dîsîplînî yena dayîş.

 

'Înfaz yenê veşnayîş'

 

Goreyê zanayîşê ke avûkatan ra ameyê girewtiş hepsîyê Sîncanî seba awa bi cengar bi nêweşîya çermî kewtê û pêwa ke banyo û lavabo bi awa cilan yena şiştiş zî seba awa bi cengar her ca saetêke dima reyna zer beno.

 

Heto bîn ra avûkatan da zanayîş ke seba hepsî caardişê kêfî protesto kenê zî înfazê hepsîyan yeno veşnayîş û heta cinîyêke hepsî Înfazê aye ya 7 serran ameyo veşnayîş. Verê nê de hepisxaneyê Sîncanî kantîn de awa bi markaya ‘cendarma’ yena rotiş.

 

Hepisxaneyê Bayburt de cigêrayîşê lingê viran

 

Hepisxaneyê Tîpê M yê Bayburtî zî teda û îhlalkerdişê heqan dewam kenê û verê zî pêvînayîş de amebî ferzkierdiş û hepsî bi lingê viran vejîyayî pêvînayîş.

 

Awa germe saetêke yena dayîş

 

Verê nê de pêvînayîşê akerde de tena eşkenê bi merdimê xo dir selam bidê yewbînan û nêverdenê nêzdîyê kesêke bîn bibê. Hepisxane de hewte ra di rey saetêke awa germe yena dayîş. Ame musayîş ke seba hûmara cinîyan koxuşan de zêdeyê hepsîyê cinî erd de konê ra.