STENBOL - Edîtora ETHAyî Pinar Gayîpe bi 4 aşmî yo Hepisxaneyê Cinîyan yê Bakirkoyî de tepişnayeya, dîyar kerde ke seba rojnamegerî hepisxaneyan de nê, kuçeyan de bê piştdayîşêke xurt bibo û va eke aye bêra veradayîş do reyna pey xeberan vazdo.

 

Edîtora Ajansê Xeberan yê Etkîn (ETHA) Pinar Gayîpe aşma Nîsane de, eştişê serê keyeyî de amî tepiştiş û tewqîfkerdiş. Pinare neqlê Hepisxaneyê  Bakirkoyî yê Cinîyan amî kerdiş. Roniştişê dewaya  Pinare 10 Êlule de 23in Dadgeha Cezaya Giran ya Stenbolî de bêra vînayîş. Verê roniştişî Pinare nameyêke ajansê ma rê eşrawit û vengdayîşê beşdarbîyayîşê dewaya raya pêroyî kerde.

 

Pinare da zanayîş ke her cayê dinya de vernê de çîyo ke yeno waştiş çapemenî bêveng bimana û va roja ewil ra heta nika serdetî înan ra vanê hîrê meymunan kay bikerê ya zî bedelê ci bidê. Pinare arde ziwan ke 150 ra tewr zêde rojnamegerî seba xeberanê ke viraştê ameyê tepiştiş û wina va: "Esasê xo de heto ke yeno asayîş o. Seba ke ma rastî anê ziwan ma yenê tepiştiş. Yanî kilmî de ma nê bedelî dewamkerdişê adetê çapemenîya azad ya ma Musa Anter, Metîn Goktepe û Hrant Dînkî dewr girewto to."

 

'Serê siba ezman zaf weşik o'

 

Pinare dewamê qalîkerdişê xo de dîyar kerde ke hewl danê rojeve, rojname û televîzyon ra taqîb kenê û tewr girîng zî zaf zêde wanena û fikrîyena. Heto bîn ra Pinare bi vatişê ‘Şima zanê serê sibayî asmên zaf weş o' veng da û va kilamê hewşê hepisxaneyî de yenê vatiş û vengê milçîkan zaf cîyayo."

 

Pinare arde ziwan ke hîn wextî hetê hîsgêrî de zaf kûr ê û wina va: "Nimûne vera Dayîkê Şeme yê hewteyê 700î de zaf giran bi. Fikrê 'warekna ez nika uca de bibayne' û nê dir eştişê volta zaf giran bi."

 

Pinare bale ante serê girîngîyê piştdayîşê bi rojnamegerê hepsî û wina peynî arde: "Mi zaf mektubî girewtî. Bi taybetî mektubê ke rojnamegeran ra yenê mi kêfweş kenê. Piştdayîşê  înan zaf girîng o. Tedayê serê çapemenî zaf zêde bîyê. Cayê rojnamegeran hepisxaneyî nîyê, kuçe yê. No zî xêrê piştdayîşî mimkun o. Eke ez bêra verdayîş ez do reyna pey xeberan vazda."