ŞIRNEX - Dimayê qedexeyê tebervejîyayîşê kuçeyan de sera 70ê Şirnexî ame rijnayîş û TOKÎyê ke bingeyê înan 3 serrî verê ame ronayîş ke ameyne vatiş do aşma Tebaxe de bêrê teslîmkerdiş, ame dîyarkerdiş ke do 120 awanî 10ê na aşme de teslîmê keyeyan bêrê kerdiş.

 

Awanîyê TOKÎyê ke dimayê qedexeyê tebervejîyayîşê kuçeyan yê Şirnexî de bingeyê înan ame ronayîş, înan ra 120 hebî do badê 3 serran do teslîmê keyeyan bêrê kerdiş. Nîno zanayîş ke do awanî key bêrê teslîmkerdiş.

 

3 serran de 120 awanî

 

Taxê Bahçelîevler, Dîcle, Cumhuriyet, Gazîpaşa, Îsmetpaşa, Yenî û Yeşîlyurtî de badê qedexeyan înşaatê 6500 awanî û 1000 dikanan dest pêkerd. La bi 3 serre yo xebate dewam kena û xeylê awanî ke gerek Tebaxa 2017an de biameyne teslîmkerdiş, înan ra hîn ameyî temamkerdiş.

 

Projeyê bi vatişê ‘Şirnex riseno xeyalanê xo' startê ci ame dayîş û badê projeyî sera 80ê qeza bingeyê ci xera bi. 120 awanî taxa Îsmetpaşa û Bahçelîevler de 10ê na aşme de do teslîmê keyeyan bêrê kerdiş. Yeno îdiakerdiş ke awanîyê bîn zî qedîyayê û yê bîn zî nînê zanayîş ke key do tslîmê keyeyan bêrê kerdiş.

 

Wextê qedexeyî de xeylê warê zergûnayî ameyî çinkerdiş û warê qedexeyê herre ke kîşte awanîyan de bi şitlan ‘Şirnex 2018’ ameyo nuştiş.