Sorgul Şêxo-Ronîda Hacî

 

TIL TEMIR - Cinîyê Rojawanê Kurdistanî binê germbîyayîşê hamnanî de pêwa şertê zehmet de mîyanê erdanê pemî de xebityenê û vanê: "Seba ma nêrê pelçiqnayîş û debara xo bieşkê bikerê gerek ma bixebityê."

 

Cinîyê ke Dewa Xebişî yê Til Temirê Rojawanê Kurdistanî mîyanê erdê pemeyan de xebityenê anê ziwan ke ê mîyanê şertê zehmet de xo ver danê û seba debara xo bikerê serê siba saet 00.07an heta saete hewtê şandî xebityenê û seba serê linganê xo de vinderê têkoşîn kenê.

 

Ferhîya Saliha 60 serrî da zanayîş ke çînayîşê peme seba înan beno çimeyê debare û wina va: "Verê 10 serran mêrdeyê mi cuya xo vinî kerd û lajê mi zî 2015an de xoverdayîşê Til Temirî de şehîd kewt. Ez pêwa dejê kezeba xo têkoşînê cuyayîşî dana. Eynî wextî de nêweşîya mi qelbî zî esta. Cinî xozaya xo de hêvî danê her ganeyêke. No semed ra pêwa heme zehmetîyan ganî ma çalak bê. Ez veng dana heme cinîyan ke milê xo vera tu kesî war nêkerê û xo ver ro bidê."

 

'Xebate şerm nîya la betalî şermêke pîl a'

 

Cinîya bi nameyê Fatma Tamira ke aye zî 45 serrî ya vana: "Bi 10 serre yo ez karê çînayîşê pemî kena. Ma saete 00.07 yê serê siba de dest bi xebate kenê, heta saete hewtê şan de. Zehmet o la reyna ez kêfweş a ke xebityena. Ez roje de 5 kîs peme çînena. Ez û mêrdeyê xo ma pîya xebityenê. Domanêke ma nêweş esto/a û ma pîya yewbînan rê hetkar benê. Xebate şerm nîya la betalî şerm a. Gerek ma bixebityê û keda xo ra wayîr vejîyê û milê xo vera kesî nêtewênê. Seba ke ma nêrê pelçiqnayîş û debara xo bieşkê bikerê ganî ma bixebityê."