BAYBURT - Vesîle Yuksela ke bi domananê xo Arîn û Avesta dir bi aşmano ke hepisxane de yena tepiştiş. Kêna aye Avesta dejê didanî ant û doktor verê ke Avesta muayene bikero aye rê derman nuşt. No semed ra Vesîle reaksîyon vera nê mojna ra. Dima ra cigêrayîş derheqê Vesîle de ame destpêkerdiş.

 

Vesîle Yuksele Sibatê 2017an de Mêrdîn de bi sebebê çapemenîya komelî de 'propagandayê rêxistine kerda' amî tepiştiş û bi kênayê xo Arîn Mîrkan (4) û Avesta (6) bi aşman hepisxane de ya. Vesîle 7ê Sibate de Hepisxaneyê Tîpê E yê Mêrdîn ra surgunê Hepisxaneyê Tîpa M yê Bayburtî amî kerdiş. Cezaya aye do çele yê 2019an de peynî biba.

 

Muayene nêkerd la derman nuşt

 

Ame zanayîş ke seba şert û mercê hepisxaneyî problemê weşîye yê Arîn û Avesta zêde bîyê. Domanê ke bi aşman o gazê îsotî ra bigirê, heta hûmartişê leşkerî rastê her tewir tedayan ameyê û ame zanayîş ke roj bi roje kîlo vindî kenê. Goreyê zanayîşê ke keye ra ameyî girewtiş, seba gazê îsotî ke eştê koxuşe, adirê ganê Arîne bi hewteyan deam kerdo û dimayê Arîne, Avesta ya ke ganî emsar dest bi mektebe bikera zî didanê aye de problem vejyayo û berdê nêweşxane.

 

Ame zanayîş ke nêweşxane de doktor verê ke Avesta muayene bikero, derman ci rê nuşt û Vesîle zî vera nê vejîyaya û dermanê ke doktorî Avesta rê nuştê nêgirewta. Ame zanayîş ke doktorî derheqê Vesîle de muracatê sucî kerdo.

 

Rîskê ceza esto!

 

Seba ke cigêrayîş ameyo akerdiş, îhtîmalê Vesîle ceza bigiro esto. Vesîle reaksîyon mojna ra û ame zanayîş ke Avesta reyke bîn nêberdê nêweşxane.

 

'Êdî bes o, ma wazenê uca ra vejîyê'

 

Pîyê Arîn û Avesta Sultan Yukselî va: "Her pêvînayîşê telefonî de bermenê. Vanê, 'êdî bes o, ma wazenê tîya ra vejîyê'."