"Hêzê mîyanneteweyî wazenê ke serê babeta multecîyî seba berjewendîyê xo xizmet bikerê. No zî vera konseptê merdimayî yo. No semed ra vera bêhuqûqî û vera merdimayî rêxistinê pawitişê heqê merdiman wezîfeyê xo bi hawayêke samîmî bi ca bîyarê. Eke wina nêro kerdiş do problemê koçberî her ke şêro vila bibo."

 

Rûken Goman 

 

Koçberî çîyêke mecbûr o. Kes kêfê zerrîya xo nêwazeno ke fek welatê xo ra vera bido. Şer, berjewendîyê hêzê mîyanneteweyî, hêriş, qetilkerdiş heme benê sebebê koçberî. Nê dir girêdayê her tewir îstismar û şidet virazênê. Bi taybet zî vera cinî û domanan yeno kerdiş. Seba ke nê meydan ra bêrê wedartiş zî gamêke mîyanneteweyî yê cidî zî çin o.

 

Xeylê tewirê koçberî estê. La tewr girîng û bedalê ci giran o yo ke bi destê hêzê mîyanneteweyî, seba berjewendîyê xo bi rayîrê şîdetî, pelçiqnayîş û çinkerdiş kenê. No zî xeylê tesîrêke xirab serê psîkolojîyê merdiman keno. Bi kûrbîyayîşê alozî dir girêdayê merheleyê şer û koçberî her ke şino zêde beno û no zî zirar dano heme merdiman. Pelçiqnayîşê doman û cinîyan ê bi no hawa ra girêdayê ganî her wext rojeve dinya de biba û dinya vera nê bêveng nêmana.

 

Hêzê mîyanneteweyî wazenê ke serê babeta multecîyî seba berjewendiyê xo xizmet bikerê. No zî vera konseptê merdimayî yo. No semed ra vera nê bêhiqûqî û vera merdimayî rêxistinê pawitişê heqê merdiman wezîfeyê xo bi hawayêke samîmî bi ca bîyarê. Eke wina nêro kerdiş do problemê koçberî her ke şêro vila bibo. Koçberî problemêke mîyanneteweyî yo. No semed ra ganî heme dinya vera nê vengê xo berz bikerê.