Zeynep Durgut

 

'Seba ke emsar varan û vewre tay varayî komkerdişê genimî rew dest pêkerd'

 

Menîce Zengîne dîyar kerde ke seba ke varan çinbîyo emsar rew komkerdê û wina va: "Genimê Qelqelî bi name û veng o. Herra tîya zî seba genimî feydeyîn a. Aşma teşrîna verêne de ma dest bi komkerdişê genimî kenê. Ma nika genim şonê û seba ardan û werdî cîya kenê. Her serê siba bi taybetî cinî serê çemî de kom benê û dest bi şitişê genimî kenê. Genimo tewr baş Qelqelî de virazyeno. Mewsîmê zimistanî de nan ra bigî heta ke werd ma genim ra viraznenê. Bêguman komkerdiş û şitişê genimî zaf zehmet o. Verê ra heme werdê ma bi genim ameyne viraştiş û şarî bi rotişê genimî debara xo kerdêne. La nika şert û mercê cuyayîşî zaf zehmet bîyo. Mazot vay bîyo şar no semed ra bêçare yo."

 

'Genimo ke ma çînenê qîmê Tirkîya keno la dewlete îthalkerdiş teşwîq kena'

 

Menîce tewr peyîn qiseykerdişê xo de wina va: "Ma her serre bi mîlyonan genim çînenê. Seba ke herra xo zaf dewlemend a genim rew virazyeno. Her serre bi hezaran torbeyê genim ma kom kenê. Genimo ke ma berardiş kenê heme Tirkîya rê qîm keno, labelê  dewlete hetkarî nêdana û girîngî nêdana ramitiş. Dewlete bi asanî nêzdî bena û genim îthal kena. Şarê xo rê zehmet kena. Şar mintiqa de bi weykerdişê pesî debara xo kena. Dewlete seba roşanê qurbanî heme goşt îthal kerd. Dewlete piştdayîş nêdana şar. Goştê ke tebera ardî zî pêro nêweşîya şarbonî bi. Nêweşîya şarbonî nika heme cayê welatî vila bîyo. Berardişî ra  tewr zêde îthalkerdiş teşwîq kenê. Dewlete feqîrî yê şarê xo rê kêfweşî genê. Herra Tirkîya seba berardişî feydeyîn a. La dewlete nê dewlemendî rê razî nîya."