Ronîda Hacî 

 

TIL TEMIR - Cinîya kedkar Kevokê Dahir ramitiş beşêke cuya xo vînena û her serre bi eşqêke pîl baxçeyê xo çînena û ewnîyena ci ra. Kevokê vana ke aye xoza ra zaf hes kena û cinî û xoza parçeyê yewbînan ê.

 

Cinîya bi nameyê Kevokê Dahire ke 55 serre ya, wayîrê 5 domanan a û dewa Til Necma yê Til Temirî de cuyena arde ziwan ke aye bi ramitişê fêkîyan hem xo çalak hîs kena û hem zî lazimîyê xo safî kena û vana: "Wexto ke ez ramitiş ro baxçeyê xo de kena ez zaf kêfweş bena. Ez bi xoza dir bena yew. Cinî xoza bi xo yê."

 

Kevokê Dahir dîyar kerde ke aye maya xo ra musaya ramitiş û va: "Ez mîyanê baxçeyê xo de îsot, balîcan, bamî, firingî, xiyar ramnena. Bi ramneyîşê fêkîyan ma zaf lazimîyê xo yê werdî safî kenê û yê ke zêde manenê zî ma roşenê û eynî wextî de ma cîranê xo rê zî vila kenê. Xoza senîn awankerdox a, cinî zî awankerdox a. Ez zî her wext mîyânê hewldayîşê awankerdoxî de ya ke keye û komelî rê feydeyîn bî."

 

'Ganî ma xoza bipawê'

 

Kevokê ard ziwan ke cinî xoza bi xo yê û qiseykerdişê xo wina qedêna: "Seba ma feyz xoza ra bigîrê ganî ma xoza bipawê. Ma wexto ke bi hesasîyetêke nêzdîyê xoza bibê o wext zaf kêfweş bê. Bi taybet zî cinî. Çunke wexto ke ez ramitişê baxçeyê xo kena ez zaf kêfweş bena. Ez bi xoza dir bena yew. Ma cinî xoza bi xo yê."