WAN - Nuştoxe Yasemîn Elbane pêwa ke wendiş û nuştişê aye çinbî zî derûdorê hîkayeyê Kurdî goşdarî kerde û xeylê berardişê nuşte amade kerde.

 

Yasemîn Elbana ke hîkayeyê ke pîlanê xo ra goşdarî kerdebî, xeyal kena ke nê hîkayeyan rojêke binusno. Dimayê serran qeydê xo Enstîtuyê Ziwanê Kurdî viraznena û wendiş û nuştişê xo aver bena. Dima ra bi hetkarîya datkêna, deza û cîranê xo kitabê hîkaye amade kerde. Yasemîne dîyar kena ke seba cinî bi domananê xo dir kurdî qisey nêkenê asîmîlasyonî rê bingeh amade kenê.

 

Yasemîne dewa Çursenê Tetwanî de yena dinya û 14 serrî de yena zewicnayîş. Dima ra koçê Îzmîrî kenê. Yasemîne wina vana: "Pîyê mi seyda bi. Ma dewe bi dewe geyrayne. Serrê 90an de dewa ma veşa. Dewlete pîyê mi kar ra eşt. Ma ameyî Tetwan. Ez heta 14 serrî bi hîkayeyan pîl bîya. Mi xeylê ziwanê xo ra hes kerdêne. Vatişê maye mi, hîkayeyê înan hişê mi de mend. Seba sebebban mi nêeşkayne biwendêne. Îzmîr kulturê ma ra zaf dûr bi. La abîyayîşê Enstîtuyê Ziwanê Kurdî mi dir kelecanî awan kerdêne. Mi şî qeydê xo viraşt."

 

'Mi ziwanê xo, xo vîr ra kerd'

 

Yasemîne wina va: "Mi domanî de dest bi mektebe kerd. La mi Tirkî nêzanayne. Musayîşê Tirkî bi serran dewam kerd û mi qetî qebul nêkerd. Ez şîya qursê ziwanî, hetê awankerdişê çekû de problem cuyaya. Ez mîyanê serran de ziwanê xo musaya û dimayê 10 serran dima heta nika mi 37 hîkaye nuşt. Dima ra ameyî weşênayî. Mi kitabo ewil bi 20 hîkayeyê bi nameyê ‘Reyke bi reyke' weşêna. Xêrcê nê, ‘Xeyrî Abbas’ ame weşênayîş. Dima ra ‘Ecêbê dinya’ ame weşênayîş. Verê nê de mi hîkaye û vatişî qeyd kerdî. Mi nê ra zî kitabêke 370 rupel amade kerd.”

 

Yasemîne da zanayîş ke sîstemê bîyaye de xeylê berpirsyarî konê serê milê cinîyan û vatî cinî biwazê eşkenê xeylê çîyan bikerê, la eke şert û merc çinbê, pratîkê ci zaf zehmet o.