ŞIRNEX - Zeyneb Edîne hirê serrî verê cû qezaya Cizîrî ya Şirnexî de bîye hedefe û tewrê domanê xo yê 9 aşmî Berxwedano ke verika aye bî, kewte erd ser û êdî erd ra nêwerişte. Maşallah Edîne zî seba xelisnayîşê Zeynepe şîye cayê hedîse û aye zî cayê hedîse de ame qetilkerdişe. Berxwedan kewto 3 serrî ya xo û bê dayîka xo pîlî beno. Kênaya Maşallahe Çîçeke zî hewl dana vîrardişê xo de dayîka xo ganî bikera.

 

Seke yeno zanayîş qezaya Cizîrî ya Şirnexî de 4ê Êlula 2014î de qedexeyê tebervejîyayî ame îlankerdiş û heta 12ê Êlule dewam kerd. Netîceyê pêrodayîşan de pêropîya 21 kesî cuya xo vînî kerdî. Her çiqas ke hêriş û zilm bibî zî cinîyî rasteyan nêteriknayî. Pêroyê hedîse û vîrardişê Cizîrî hema zî vîrê heme kesan de yî. 

 

Prosesê qedexeyê tebervejîyayîşî de 21 kesî cuya xo vînî kerdî û Maşallah Edîna 40 serrî û Zeynep Edîna 18 serrî zî mîyanê înan de yî. 9ê êlule de saet 22.00î de wirdî cinîyî seba telefonî şîyî keyeyê cîrananê xo û taxa Cudîye de bîyî hedefê guleyê ke qereqolî ra ameyî. Ewil Zeynepe ameye qetilkerdişe. Zeynepe tewrê domanê xo yê Berxwedano ke verika aye de bî, kewte erde û cayê hedîse de cuya xo vînî kerde. Berxwedan birîndar bîbî. Maşallah Edîne zî waşte ke Zeynepe cayê hedîse ra bianca û gule varîyayî aye ser. Maşallahe vînîkerdişê gonîya zêde vera cuya xo vînî kerde.

 

Hîrê rojî dima berdî nêweşxane

 

2 kesê ke waştî cinîyan bixelisnî zî ameyî birîndarkerdiş. Ekîbê 112î bi mehneya asayî çin o, nêşî cayê hedîse. Bi hewldayîşê kesê dorme Berxwedan ame xelisnayîş. Cenazeyê Zeyneb û Maşallahe badê hîrê rojan bedrî morgê Nexweşxaneyê Dewlete yê Cizîrî.

 

Hîrê serrî yê qedexeyan qedîya, la ne domanê Maşallahe dayîka xo vîrî kerdî û ne zî Berxwedano ke birîndar bibî, birînê xo vîrî kerd.

 

Berfîne dayîka xo Çîçeke ra vana

 

Kênaya Maşallahe, Çîçek Botane wexto ke dayîka xo vînî kerde 4 serrî bîye. Nika bîya 7 serrî. Çîçeke bi fotografan ra dayîka xo şinasnena. Waya aye Berfîne, waya xo rê qala dayîka xo kena.