ENQERE - Avûkat Sevînç Haciogullari projeyê ‘efû’ yê hetê MHPî ra pêşkêşî meclîsî ameyo kerdiş şîrove kerde û va: "MHP partîyêke problemê şîdetî çareser bikero nîyo. Partîyêke heta nika şîdet serdestîyê camêrd hende kûr kerdo, şîdetê vera cinî dano serê ziwan û heto bîn zî munqaşeyê daliqnayîşî û efû keno. No zî bêsamîmiyetî ci mojneno ra."

 

MHP mîyanê sozê ey ê weçînayîşî de projeyê efû esto, xo amade keno ke bero meclîs. Projeyê efû ke yeno vatiş do 8 maddeyan bêro meydan, do kesê sûcê endamîyê rêxistine, îstîsmaro zayendî, remnayîşê domanan û kiştişê înan yeno hukmkerdiş, nêkero çarçeweya efû.

 

Avûkat Sevînç Hocaogullari projeyê efû ke yeno plankerdiş û daleqnayîşê efû yeno plankerdiş û daleqnayîşê AKPî reyna ardî rojeve şîrove kerde.

 

'Mekanîzmayêke pûyaye esto' 

 

Sevînçe da zanayîş ke sîstemê edalet û cezayê Tirkîya de pûyayîşêke esto û wina va: "Vera mekanîzmayêke pûyaye, vatişê ‘ma hepisxaneyan veng bikerê' hetê ke aştîyê komelî do nêro meydan mojneno ra. Wexto ke merdim munaqeşeyê efû û munaqeşeyê daleqnayîşî fikrîyenê, merdimî eşkenê hetê şîdetî vera cinî de zî bigîrê dest."

 

'MHP seba çi efû wazeno?'

 

Sevînçe arde ziwan ke Tirkîya de şîdetê vera cinî roj bi roj zêde benê û wina va: "Efû de her çiqas kiştişê teberê çarçeweya bêro verdayîş zî kesê qestî birîndar kerdê, sucê heqaret kerdê, huzûrê şarî xira kerdê û vera cinîyan suc kerdê do ci ra feyde bigîrê. Gelo MHPî zî seba çi efû wazenê? Ewro destê ma de projeyêke çinbo zî îzahatê MHPî de merdimî fam kenê ke seba şîdetê serê cinîyan zêde bibo MHP do efû bîyaro."

 

Sevînçe wina va: "Dimayê îstîsmarê domanan munaqeşeyê daleqnayîşî ameyî rojeve. Tu şertî de daleqnayîş rewşêke bêro qebûlkerdiş nîyo. No zaf ame munqaşekerdiş. La MHP ewro partîyêke nê, vernîgirewtişê şîdetê vera cinîyan munaqeşe bikero yo. Rêxistinê cinîyan yê vera şîdetî têkoşîn kenê, dîyar kenê ke ganî peynî nê polîtîkayê bêcezabîyayîşî bêro dayîş û vanê hedîseyê îstîsmar û şîdetî bi daleqnayîşî nêro çareserkerdiş."