AMED – Komîteyê Amadekarê Mitîngî yê Platformê Ked û Demokrasî seba mitîngê 1ê Êlule Roja Aştîya Dinya ke do roja şeme organîze bêro kerdiş muracatê Walîyê Amedî kerdî û walî muracatî rê pozîtîf cewab da.

 

Platfromê Ked û Demokrasî yê partîyê siyasî û rêxistinê komelî yê sivîl de yenê meydan roja Şeme Warê Îstasyonê yê Amedî de mitîngê 1ê Êlule Roja Aştîye ya Dinya viraznê. 

 

Mitîng do bi waştişê “Wa doman û ciwan nêmirê”, “wa peynîya tecrîdî bêro”, “wa hepsîyê nêweş bêrê veradayîş“, "wa daristan nêrê veşnayîş" û bi sloganê, “Aştî bi lez nika” bêro viraştiş. Seba destûrê mitîngî Komîteyê Amadekar yê endamê Platformî yenê meydan de muracatê Walîyê Amedî kerdî. Ame zanayîş ke walî cewabê pozîtîf dayo mitîngî. 

 

Na çarçewa de do roja Şeme 1ê Êlule saete mabêne 16.00an û 20.00an de Warê Îstasyonê mitîngê aştî de bêro kerdiş.