AMED - Merdimê vindîbîyayeyan reaksîyon hemverê hêrişê polîsan yê vera çalakîya 700î ê Dayikê Şeme û vatî: "Gelo hesabê perskerdişê merdimê vindîbîyayeyan suc o? Huqûq, edalet, wijdan ça de yo?"

 

700in hewteyê cigêrayîşê edeletî yê Dayikê Şeme yê 27ê Gulana 1995an heta nika warê Galatasarayî de yê, polîsan hêriş kerd. Dayikê şemeyî û merdimê ke seba piştdayîşê ameybî nê warê hêrişê polîsan de ameyî tepiştiş û rastê îşkenceyê fîzîkî ameyî. Merdimê vindîbîyayeyê Amedî seba veng bidê Galatasarayî hêriş şermezar kerdî.

 

Cuneyt Aydinlar ke wexto wendekar bi û 20ê Sibata 1994an de ame tepiştiş û vinderdiş, maya Cuneytî Menekşe Aydinlare wina reaksîyon hêrişê polîsan rê da: "Bi 23 serre yo ke lajê xo Cuneytî ra zanayîş nêgêna. Perskerdişê aqûbetê lajê mi suc o? Kenga ra no bîyo suc o?”

 

‘Huqûq, edalet, wijdan ça de yo'

 

Cinîya Mehmet Alî Yakişirî ke serra 1994an de amebi vindîkerdiş, Hatîce Yakişire zî arde ziwan ke aye bi serran o edalet geyrena û wina va: “Ez seba mêrdeyê xo beşdarê çalakî bena. Merdimî seba aqûbetê doman û mêrde/cinî yê xo yenê tîya. Sebebê ci vindîbîyayeyê ma yê. Ma wazenê berpirsîyarî bêrê hukmkerdiş. Sebebê nê tedayan çîyo? Perskerdişê hesabî suc o? Wijdan û edelet ça de yo?

 

https://www.youtube.com/watch?v=GeF0yuHQpLw&feature=youtu.be