ERZÎNGAN - Rayirê Erzîgan – Sêwasî sero qezaya trafîkî pê ame û netîceyê qezayî de 3 doman 7 kesî cuya xo vînî kerdî û 3 kesî zî birîndar bîyî.

 

Wesayîto ke hetê Huseyîn Adibellî ra ameyêne remnayîş saetê serê sibayî de rayirê Erzîgan – Sêwasî sero da wesayîto ke hetê Kamîl Karataşî ra ameyêne remnayîş ro. Her di wesayîtî qelibîyayî yewbînan û netîceyê qezayî de şoforê her di wesayîtan û kesê ke hetê înan de bî mîyanê wesayîtan de zîpî de mendî.

 

3ê ci doman pêro pîya 7 kesî cuya xo vînî kerdî

 

Badê ke hemwelatîyî xebere dayî, cenderme û tîmên weşî ameyî cayê hedîse û kesê ke mîyanê wesayîtî de zîpî merdî vetî. Goreyê malumatan netîceyê qezayî de 3ê ci doman pêro pîya 7 kesî cuya xo vînî kerdî û 3 kesî zî birîndar bîyî.

 

Hetê tîmê weşî ra wedarîyayî Nêweşxaneyê Erzînganî

 

Kesê ke birîndar bîyî hetê tîmê weşî ra wedarîyayî Nêweşxaneyê Perwerde û Cigêrayîşî yê Menguceka Erzînganî.

 

Sewbîna kesê ke cuya xo vînîkerdî wedarîyayî morgê nêweşxane.