DÊRSIM - Adiro ke bi daristananê Dersimî kewt 18 rojî dewam kerd û xeylê wareyî veşayî û bi seyan ganeyî cuya xo vinî kerdî. Parlamentera HDPî yê Amedî Saliha Aydenize dîyar kerde ke adir bi zanayîş kerdê we û va: "Hewl danê ke Dersim de koçberî bêro meydan û çin bikerê."

 

Seba xebatê tefnayîşê adirê Dersimî ke walî tena ewnîyayne ci ra, Parlamentera HDPî ya Amedî Saliha Aydeniz şîbî Dersim. Saliha va ke adirê Dersimî bi hewteyan dewam kerdo. Salihaye ard ziwan ke sey sebeb operasyonî yenê mojnarayîş û bi zanayîş adir erzenê daristanan.

 

'Daristanê ma gane gane veşnayî' 

 

Emsar zî xeylê mintiqayê Dersim de daristanê ma gane gane veşnayî. Bi no adirî wazenê ke heme warê cuyayîşî çin bikerê. Nê warê ke şarê Dersimî bi misê hingêmîn debara xo kenê. No semed ra yeno waştiş ke merdimê tîya koç bikerê.

 

'Weykerdişê adirî bi daristanê mintiqa, polîtîk o'

 

Salîhaye da zanayîş ke adirê bi mintiqa kono polîtîk o û va: "Bi hewtano ke adir mintiqayê Dersimî kono la seba nê tefnayîşî tu çîyêk nîno kerdiş. Seba adir bêro tefnayîş ma çarçeweya Merkezê Pêroyî muracat kerd la dewlete mudaxaleyê adirî nêkerde. Walî û qeymeqam mudaxaleyî adirî nêkerdî, heto bîn ra kesê ke waştî mudaxale bikerê zî ameyî astengkerdiş. 

 

'Ganî adirê ke bi daristanan konê rojeve de bêrê verdayîş û bêrê raporkerdiş'

 

Salihaye arde ziwan ke çîyo girîng o yo ke adirê ke erzîyenê daristanan babete de bêrê verdayîş û wina va: "Gerek adirê ke bi daristanê mintiqa konê warê mîyanneteweyî de zî babete de bimanê û babeta dinya de zî cayê xo bigîrê. Yê ke xoza ra hes kenê, ekolojîstî gerek şêrê weykerdişê adirî cayê ci de bivînê û nê bikerê rojeva dinya zî. Hêrişê îqtîdarê siyasî ke her serre hêrişê cografya keno qirkerdişêke cidî yo. Gerek no qirkerdiş bêro raporkerdiş."