MEXMÛR - Xeylê cayanê dinya de vera heywanan de zext, îşkence û îstismar pê yenî û heywanî heqê xo yê cuye ra merhum yenî veradayîş. La Mexmûr de finakê dostîya mabenê heywan û însanan zêde yî. Nê finakan ra yew wayîrê taybetmendîyêk pîl o. Hîkayeya pisîngê bi nameyê Lîloyî seba pawitişê heqê heywanan finak a.

 

Pisîngê bi nameyê Lîloyî bi germîya rengê çimanê xo temsîlkarîya dostîya merdim û heywanan keno. Lîloyî wayîrê taybetmendî û hîkayeyêk derg a. Lîloyî Zozanê Heftenunî yê Herêma Behdînanî de bi ca bîbî û kesêk nêzanayê ke kamî ca ra ameyo. Leyrekê Lîloyî vila bîyî dormeyê herême û Başûrê Kurdistanî. 10 serrî yo ke na hîkayeya Lîloyî esta. 

 

Leyreke nameyê xo zî Lîloyî ra herînena

 

Purtê Lîloyî sipe, rast û dergî yî. Des serrî yo ke cuyeno û leyrekê ci xeylê cayê Başûrê Kurdistanî de vila bîyî. Leyrekê Lîloyî ra yew zî Kampa Koçberan ya Mexmûrî (Kampa Koçberan ya Şehîd Rustem Cudî’ de ame dîyiş. Leyreke nameyê xo zî Lîloyî ra herînena.

 

Bi rengê çimanê xo bala merdiman anceno

 

Lîloyî musayo xeylê çîyan û bi taybetmendîyanê xo yê cîyayan bala heme kesan anceno. Cayê werdê Lîloyî cîya yo û qet nizdîyê werdan nêbeno. Werdê xo cayê xo de weno û heta ke kesêk werd nêdo ci nizdîyê werdî nêbeno. Rengê çimanê ci xeylê rind î. Bi rengê çimanê xo bala merdiman anceno.

 

Pirê dostî yê mabenê heywan û merdiman

 

Verê ke teyareyê şerî şêrî herêma Lîloyî, hêrişan hîs keno û bi têgêrayîşê xo merdiman îqaz keno. Wexto ke qala hîkayeya Lîloyî yena kerdiş, bi saetan dewam kena. Lîloyî herême de bi têgêrayîşê xo heskerdişê heme kesan girewto û bîyo sey pirê dostî yê mabenê heywan û merdiman.