STENBOL - Sakîne Tayança dîyar kerde ke do fatureyê krîzê ekonomî zaf giran bo û va: "Merdimî nika nêzdîbîyayîşê serekkomar fam nêkenê, ê vanê qey înan serberz mojnayo ra. La wexto ke nan bi 3-5 lîra bigîrê do cigêrayîş bikerê. Sere de cinî ganî her kes hêzê xo yew bikero."

 

 Sakîne Tayança  Fîrmaya A.Ş yê Îdarekerê Elektronîk LTS Arge de ca gêna, sebebê krîz û netîceyê ci şîrove kerde. Sakîneya ke Sereka pêroyî ya Komeleyê Karsazê Sanayîwan yê Esnafê Hemdem (ÇAGSÎAD) zî va xeylê kes seba zêdebîyayîşê dolar û Euro kewtê zirar û wina va: "Ma zanayîş gênê ke merdimî xo întîxar kenê. Zêdebîyayîşê dolarî şewêkê de merdimî bêçare kerd. Têkiliyê krîzî bi Rahîp Brunsonî dir girê danê. Hemwelatî sebebê krîzî nêzanê. Tirkîya no semed ra nêkewta krîz. Krîz newe awan nêşîyo."

 

'Wexto ke nan 5 lîra bigîrê do cigêrayîş bikerê'

 

Sakîneye da zanayîş ke bi sermayê xoser heta cayêke bazirganî bêro meşnayîş û wina va: "Wexto ke piştdayîş bankayan ra bêro girewtiş bi zêdebîyayîşê faîzî dir tedbîrêke bêasayîş awan bîyo û girewtişê bi pereyê nakît ameyo vindernayîş. Şar hema ferqê krîzî de nîyo. La wexto ke nan bibo 3-5 lîra do heme qetî cigêrayîşê krîzî bikerê. Ma bazirganî xora nê hîs kenê."

 

'Do vernê de cinî kar ra bêrê eştiş'

 

Sakîneye da zanayîş ke do krîzê ekonomî tewr zêde tesîr serê cinîyan de bikero û wina va: "Nîmeyê komelî cinî yê. La cinî ne Îstîhdam de yê û ne zî cayêke baş yê keyeyî de yê. Wexto ke mesayîyê camêrdan qedêno, şan de şinê keye û bi merdimanê xo dir wext derbaz kenê. La cinî wexto ke kar ra şinê keye, keye de zî ewnîyenê domanan ra. Cilan şonê, utî kenê. Meymanan hewênenê. Yanî 24 saetan wezîfeyê înan esto. Wextê krîzî zî yê vernî de kar ra yenê vetiş cinî yê. Verê nê de bi krîzî dir şîdetê mîyanê keyeyî de zî zêde bibo. Camêrdê ke cayê karî de bi patronan dir nêeşkê do hêrsê xo serê cinîyan de vejê teber.

 

Dewlete vera sanayîwanê pîlan gerek problemê esnafan goşdarî bikerê. Xora sîstemêke ronişte yê sanayîwanan esto. La yê bazirganan çin o."

 

Sakîneye tewr peyîn qiseykerdişê xo de va seba ke wezîrê bazirganî cinî ya zaf kêfweş a û va: "Ma sey cinî eşkenê heqê xo de vejîyê. Ganî ma piştdayîş bidê cinîyan. Ganî ma sey cinîyê hewl hêzê xo bikerê yew. Her ca de wexto ke cinî biba ekonomî zî xurt bena."