ŞIRNEX - 4-12ê Êlule 2015an de Cizîre de qexedeyê tebervejîyayîşê kuçeyan ame îlankerdiş de Muhammed Tahîr Yaramişo 35 roje cuya xo vinî kerd  û çarçeweya cigêrayîş amebi destpêkerdiş de qerarê ‘hewce bi cigêrayîş çin o' ame dayîş û dimayê nê muracatê DDBî ame dayîş.

 

4-12ê Êlule 2015an de Cizîrî Şirnexî de qedexeyê tebervejîyayîşê kuçeyan ame îlankerdiş Muhammed Tahîr Yaramişo 35 roje bi cuya xo vinî kerd û derheqê hedîse de cigêrayîş ame destpêkerdiş. Serdozgeriya Komara ya Cizîrî qerarê ‘hewce bi cigêrayîş çin o' da û dosya amebî padayîş. Avûkatî îtîrazê qerarî kerdî û reyna ame redkerdiş. No ser muracatê Dadgeha Destûrê Bingehîn dayî.

 

Raporê otopsîyê ke hetê Sazgehê Tipê Edlî ra ameyo amadekerdiş de ame vatiş qedexe de teqnayîşê nêzdîyê keyeyê înan de ameyo meydan de, Muhammed verêke maya xo Sosin Yaramiş kewto û gonî şîya serê mezgê ey û cuya xo vinî kerdo.

 

Dozgerî yewin gumanber maye dî

 

Dozgerî cigêrayîşê xo de da zanayîş ke maya Sosin Yaramişe seba vengê teqnayîşî û çekê teber ameyê cuyayîş kewta endîşe, tersaya û pitik zî verêke xo ra daya erd ro. Dozgerî da zanayîş ke merdişê yê pitikî de qusur sewîyaya teqsîrî yê maya çin o.

 

Sebebê bêtaqîbkerdişî: Pêrodayîşê ameyê cuyayîş

 

Dozgerî arde ziwan ke maye merdişê domana xo de dejêke pîl cuyaya û wina va: “Seba tewr zêde mexdûr nêba vernîya ci ameya padayîş û seba kesê na rewşe de ceza nîna dayîş û heme verê çiman de ameyo vînayîâ û ganî sewîyaya teqsîrî de qusûr bi gumanbar dir nêameyo vînayîş." Dozgerî îdia kerde ke seba pêrodayîşê ameyê cuyayîş zî ambulans nêşîya cayê hedîse û qerarê bêtaqîbkerdişî da.

 

Cenaze di rojan taxe de amî verdayîş

 

Qedexeyê tebervejîyayîşê kuçeyan de 8 rojan Cizîr de ame îlankerdiş de Selman Agar (10), Saît Cagdavul (19), Osman Çagli (18), Cemile Çagirga (13), Ozgur Taşkin (20), Meryem Sune (53), Maşallah Edîn (35), Zeynep Taşkin (18), Bunyamîn Îrcî (15), Saît Nayci (17), Mehmet Erdogan (75), Eşref Erdîn (60), Şahîn Açik (75), Muhammed Tahir Yaramuş (35 rojî), Mehmet Emin Levent (21) û Suphî Saral (50) cuya xo vinî kerdî.

 

Seranserê qedexeyî de destûr nêamebi dayîş ke cenaze bêro definkerdiş. Cenazeyê Muhammed di rojan camî de ame vindarnayîş û dima ra bi hewldayîşî parlamenterê HDPî camî ra amebi girewtiş û teslîmê ambulansî amebi kerdiş.