AMED - Endama Heyetê Îdareyê DTSO û karsaz Nevîn Île krîzê ekonomî yê ke yenê cuyayîş şîrove kerde û wina bale ante serê polîtîkayê hukmatî û va: "Ganî zere û teber ra polîtîkayê aştî bêrê taqîbkerdiş. Mexdurê ewil yê krîzî zî cinî yê.”

 

Krîzê Rahîp Andrew Brunsonî mabêne Tirkîye û DYAyî de ame destpêkerdiş, kewtişê TLyî vera Dolarî dewam keno. Endama Heyetê Îdareyê Odeyê Sanayî û Bazirganîyê Amedî  (DTSO) û karsaz Nevîn Île krîzê ekonomî ke yeno cuyayîş şîrove kerde û va sewîyeya polîtîkayê ekonomî de ganî xerîteya rayîrî ya stratejîk bêra dîyar kerdene. Nevînê eynî wextî de bale ante ser problemê ke estê û va ewil Tirkîya problemanê xo bigîra xo dest û xeta polîtîkbîyayîşî û polîtîkayê aştî yê teber û zereyîn esas bigirê.

 

‘Ma heme çî tebera gênê'

 

Nevîne da zanayîş ke prosesê ke krîzê ekonomî yeno cuyayîş de ganî sanayî xurt bibê û wina va: "Ma madeyê esas tebera gênê. Polîtîkayê xo siperneno berardişê girîng. Ganî girîngî seba nê polîtîkayan bêrê dayîş û polîtîkayê taybet virazyê."

 

Nevîne arde ziwan ke Serekkomarê AKPî Tayyîp Erdogan vatişê Erdogan yê ke sanayîwanî hedef girewtine yê sey ‘Ez veng dana sanayîwanê ma. Hêrişê bankayan nêkerê û uca ra dovîzan nêgîrê. Nêvajê ma vindî kerdo ma karê xo saxlem bikerê. Şima bikerê şima do şaş bikerê. Seba na netewe serê lingan de bimano, tena wezîfe nêkono serê milê ma. Wezîfeyê bazirganî yê sanayîwanî zî 'ard vîr û va seba sanayî pîl biba polîtîkaya ke teşwîq kena çin a û va: "Gerek sanayîwan nêrê sûcdarkerdiş. Ganî hedef nêrê mojnarayîş. Ganî çepê nê polîtîka bikoyê dewre.”

 

Nevîne tewr peyîn qiseykerdişê xo de hişyar kerde ke do mexdurê ewil yê krîzî cinî û ciwan bê û va do fatureyê krîzî zî ewil cinîyan ra bêro birnayîş.