Hîkmet Tunç

 

WAN - Cinî adetê tehnayîşê genimî yê hezaran serre verê pêwa averşîyayîşê teknolojî dewam kenê. Cinî verê klaman de destarî geyrnenê, amadekarîya zimistanî kenê. Mintiqa de genim yeno ramitiş, netîceyê kedêke pîl de sey ardî, belxur û xeylê çî bîn yenê serê sofrayê ma.

 

Cinîyê ke berardişê genimî de tewr zêde kede danê, bi piştdayîşê yewbînan genimê xo destar kenê. Ro Atemîtê Wanî taxa Kurubaş de cinîyan dîyar kerd ke axa mintiqa zaf dewlemend a û emsar zî seba vurnayîşê varanî bereket zaf zêde yo.

 

Verê kilaman de berardişê komunalî

 

Cinî vera teknolojî adetê xo yê hezar serre dewam kenê û verê tehnayîşê genimî yê destarî de kilamanê xo zî vanê. Cinîyêke bi kulmê xo genim erzena mîyanê her di kerrayê destarî û yew zî destar gernena. Dima ra zî vengê cinîyan beşdarê destarî beno. 

 

Cinîya bi nameyê Meryem Kumlî dîyar kerde ke ê seba adetê xo dewam bikerê zaf kêfweş ê û wina va: "Verê ma tehnayîşê genimî saetê şandî de kerdêne. Seba ke karê dewe cinîyan rê zaf zehmet bi. Ma heta şan de serê erdan de bî. Ma ewnîyayne domanan ra. Ma pes wey kerdêne, ma şan de destarî kerdêne."

 

 

Meryeme da zanayîş ke pêwa ke teknolojî ke aver şîyo adetê xo ra nêbîyê û va genimê xo xeylê werdan de xebitnenê.