STENBOL- Mizgîn Akmana 11 aşmî hepisxaneyê Cinîyan ê Bakirkoyî de mende, îhlalkerdişê heqan yê ameyê cuyayîş wina va: "Nêweşî terkê merdişî yenê kerdiş. Waro hempar ame wedartiş. Xêrcê keyeyî bi kesî dir fotograf nîno antiş. Îhlalkerdişê mardişî nêqedênê."

 

Mizgîn Akmana êlula 2017an de Stenbol de amî tepiştiş û berdî hepisxaneyê cinîyan ê Bakirkoyî di hewte verê amî tahliyekerdiş. Mizgîne îhlalkerdişê heqan yê hepisxaneyî qalî kerde û nê çî ardî ziwan: "Wexto ke mi newe berdî hepisxane cigêrayîşê viran mi rê ferz kerdî. Ma rê ferzkerdî ke ma şêrê koxuşê xoseran. Vatî şima şêrê koxuşê înan şima do rew bêrê veradayîş, çi karê şima mîyanê sîyasîyan de esto. Wexto ke ma cigêrayîşê viran qebûl nêkerd cêgirayîşê viran ro ma ferzkerdî. Eştî serê koxuşan. Eştişê koxuşan ser radyo girewtî. Nika koxuş de radyo çin o. Rojnameyan nêdanê. Teber tu têkilî çin o. Proseso ke ez tepişnaye bîya rojname nêdayî ma."

 

‘Nêweşî terkî merdişî yenê kerdiş'

 

Mizgîne ard ziwan ke hepsîyê nêweş sewqê nêweşxane nînê kerdiş nayên kirin û yê yenê sewqkerdiş zî wextê dermankerdişî de kelepçeyê înan nînê akerdiş û wina va: "Wexto ke benê nêweşxane zî înan ra vanê ‘şima terorîst ê, xayînê welat ê. Ma şima ardê nêweşxane û hema şima vanê kelepçeyê ma abikerê'. Seba hemwelatîyê derûdorî zî tesîr bikerê hewl danê. Hepsîyê ke wextoke derg o tepişnayeyê nêbenê revîr û nêweşxane. Sureyya Buluta ke cezaya muebetî girewta zî gonî virêcêna. Gerek berê nêweşxane la kes nêamw ser. Heta amî serê hişê xo ameyî berdî nêweşxane. 3 aşmî nêweşxane de mende. Reyna ardî hepisxane. Hepsîyê nêweş terkê merdişî ameyê kerdiş."

 

Mizgîne arde ziwan ke verê zî hepsîyêke wexto ke sewqê nêweşxane kerdê, bi hepsîyê edlîyan dir eynî rîng de berdê û ardê o a mabêne de verê çimanê leşkeran de hepsîyê edlî hêrişê hepsîyê sîyasî kerdê.

 

‘Prosesê OHALî de antişê fotografî ame qedexekerdiş’

 

Mizgîne dewamê qiseykerdişê xo de arde ziwan ke hacetê bi kargo yenê zî dimayê cêgirayîşêke derg yenê dayîş û va wextê OHALî de zî antişê fotografan amebi qedexekerdiş û bi tu hawayî desturê antişê fotografan nêame dayîş.