Habîbe Eren

 

ENQERE - Krîzê ekonomî her ke şino bi tesîr beno û verê roşanî hemwelatiyê ke şî Halê Ulusî ra gerrekerdoxê. Yasemîn Mutluya Suluhan de esnaf a dîyar kerde ke Uluso ke hetê ekonomî de goreyê hemwelatîyan erjan bi ke êdî kes nêeşkeno tîya çîyêk bigîro. 

 

Dimayê lîrayê Tirkî vera Dolar û Euro erjê xo vindî kerd krîzê ekonomî da kuçe ro zî. Esnaf û hemwelatiyê Halê Ulusî zî vera zamî bi reaksîyonê.

 

'Heme çî vay o'

 

Cinîya bi nameyê Fadîme Yavuza ke bazarê dayîşûgirewtiş kena wina va: "Pêwa ke nika tay dolar kewto zî vayî nêvuryaya. Ez teqawît a. Verê roşanî nêeşkena çîyêk bigîrî. Verê ma ameyne bazar ma heme çî girewtêne. La ma nika nêeşkenê bigîrê."

 

Aygul Kavake zî vejîyaya dayîşûgirewtişê roşanî wina va: "Ma merdî. Ma nêeşkenê çîyêk bigîrê. Verê ma bi 20-25 lîra zaf çî girewtêne. Nika ma 100 lîra danê ma nêeşkenê çîyêk bigîrê. Poşetê ma veng ê. Mi seba roşanî çîyêk nêgirewt."

 

Aygule tewr peyîn qiseykerdişê xo de da zanayîş ke bi şarê feqîrî dir pere çin o û hêzê girewtişî kesî dir nêmendo û êdî mutbax de nêeşkenê çîyêk viraznê.

 

'Vayî zaf zêde yo'

 

Yasemîn Mutluya ke Ulus Suluhan de bi 7 serre yo esnafî kena reaksîyon mojna vayî û wina va: "Zêdebîyayîşê dolarî raste rast tesîr serê ma de kerd. No semed ra ma nêeşkenê çîyêk bigîrê. Goreyê vayîye serra vîyarte sera se her çî zam bîyo. La çîyêke ma bikerê çin o. Ma êdî nêeşkenê kîrayê dikanê zî bidê. Goreyê wextê verî her çî vinderto û kes nêeşkeno çîyêk bikero."