STENBOL - Sereka Keyeyê Cemî yê Armutlu Zeynep Yildizima ke seba viraştişê keyeyê Cemî yê Armutlu temam bibo kedêke pîl da û 27ê Temmuze de amî tepiştiâ û înşaat nîmecet mend.

 

“Bi 3 serre û nîm ma hewl danê nê keyeyê cemî viraznê. Seba ke ca nêdayî ma keyeyê cemî yê ewil bi terzê keyeyê şînî de viraşt. Gerek keyeyê camî de dersxane, seba domanan ders, kar û barê cenaze û qadêke komelî do bibo. Seba ma bawerîya xo baş bicuyê ma tîya viraznenê." No vatiş aîdê sereka Şubeyê Sariyerî Stenbolî yê Komeleyê Pîr Sultan Abdalî 27ê Temmuza 2018 de keyeyê xo ya taxa Kuçuk Armutlu de amî tepiştiş a Zeynebe ya. Dimayê ke Zeynebe zî înşaatê Keyeyê Cemî yê Kuçuk Armutlu nîmcet mend.

 

Maya Zeynebe, Kezban Bektaş ya 90 serrî reaksîyon tepiştişê kêna xo da û dîyar kerde ke seba kêna aye bêra veradayîş do têkoşînê xo dewam bikera.

 

Kezbane dewamê qiseykerdişê xo de wina va: "Kêna mi 1988an de amî na taxe û a roje ra heta nika tîya ya. Seba na taxe û Elewiyan têkoşîn kerdêne. Ma Elewîbîyayîş suc o. Çira kêna mi tepiştî ez nêzana. Qey pawitişê keyeyê cemî suc o. O wext ez sucdar a."

 

Kezbane eynî wextî de veng da ke ganî her kes piştdayîş bido înan û qiseykerdişê xo wina qedêna: "Ez wazena kêna mi bêra veradayîş. Her ca camî estê û yenê kêna mi gênê. Seba ke keyeyê ma cem viraznena. Senîn Zeynebe amî tepiştiş keyeyê cemî nîmcet mend.'