Ronîda Hacî 

 

TIL TEMIR - Cinîya awankerdoxe Delma Salih berardişê bexçeyê ke ramitibî bi hawayê ke komunal  bi cîrananê xo dir pare kena.

 

Delma Saliha 49 serrî ke dewa Til Necmmayî de cuyena, 5 domanê aye estê û  sebaji debara keyeyê xo bi hetkarîya cîrananê xo bexçe de sebze ramita. Delmaye berardişê ke weçînena bi cîrananê xo dir zî pare kena. 

 

Bi ruhê cuya komînal ma têgeyrenê

 

Delmaye dîyar kerde ke bi ruhê cuya komînal têgeyrenê û wina va: "Mi waşt bexçeyêke seba debara xo û domananê xo biçînî, la mi nêeşkayne seba rewşa mi ya ekonomî çin o. Cîranê mi, mi dir hetkar bî û toximê sebze mi rê ardî û mi zî ramit. Ewro ez zî baxçeyê xo heme cîranan rê akena û heme zî lazimîyê seba înan yenê baxçeyê mi de kom kenê û benê. Ez wina zaf kêfweş a."

 

'Cinî wayîrê enerjîyêke zaf xurt a'

 

Delmaye dewamê qiseykerdişê xo de wina va: "Cinî wayîrê enerjîyêke zaf xurt a, wexto ke cinî biwazo karêke bikero, bi rayîrê enerjîya xo serkewte bena. Mi hêzê xo cîrananê xo ra girewte. La mi bi xo baxçe viraşt."

 

'Cinî cuya xo bi xoza xemilnena'

 

Delmaye da zanayîş ke cinî bi keda xo xoza xemilnena û wina va: "Cinî bi awankerdişê xoza feyde ro dana kaînat. Hetê ramitişê dar û baxçeyan de cinî wayîrê rolêke girîng a. Eke no baxçe ra nêbîne emsar ma nêeşkayne sebze bigirewtêne. Seba ke zaf vay o. Cuya komînal hêz û bawerî da mi."