ŞIRNEX - Heqê pêvînayîşê avûkatan yê bi Rayberê PKKî Abdullah Ocalanî bi sebebê cîya bi 8 serre yo yenê astengkerdiş.  Avûkat Newroz Uysale dîyar kerde ke tecrîdê Îmralî ke yeno meşnayîş cayêke bîn çin o û va azadîya Abdullah Ocalanî êdî ferz o.

 

Pêvînayîşê avûkatan yê bi Rayberê PKKî Abdullah Ocalanî dir 27ê Temmuza 2011an heta nika bi sebebê ‘koster xerabeya’, ‘muxalefetê hewa’ yenê astengkerdiş. Êlula 2016an ra heta nika zî Abdullah Ocalan bi keyeyê xo dir nêeşkeno pêvînayîş bikero. Avûkat Newroz Uysale derheqê prosesî de persê ma cewab kerdî.

 

*Muracatê seba pêvînayîşî her wext bi sebebê OHALî yenê redkerdiş û dimayê ke OHAL wişt reyna muracatî ameyî redkerdiş. Şima na rewşe senîn şîrove kenê?

 

Ma Birêz Abdullah Ocalanî û hîrê kesê ke verê ey bi serran o zanayîş nêgînê. 1999an ra heta nika ma prosesê tecrîdî qalî bikerê zî her şino bi polîtîkayan dir  em bi girtîgehek girawa ya bêvenge dir rî bi rî yê. Ma bi tu hawa nêeşkenê têkilî ronê. Ma nêeşkenê bi tu hawa mesleke xo ya avûkatan bi ca bîyarê û heqê tewr sereyîn û metodê netewî û mîyanneteweyî çin ameyê hesibnayîş. Verê nê de zî Birêz Ocalan bi serran o tena cuya xo domneno. Bi 8 serre yo ma nêeşkenê pêvînayîş bikerê.

 

*Nimûneyêke bîn yê tecrîdê serê Rayberê PKKî Abdullah Ocalanî dinya de esto?

 

Na nimûneyêke tecrîdî tu dinya de çin a. Bi OHALî dir KHK ameyî vetiş. Dimayê îlankerdişê OHALî ra dima ame waştiş ke vernîya xeberdarîya Îmralî bêro padayîş. Ma muracatê merciyê têkildar û Dadgeha Desturê Bingehîn kerd. Ma na rewşe sazgehê têkildar û CPT rê neql kerd. La nika OHAL babetê vatişî nîyo.

 

*Zanayîşê şima falîyetê cuyayîşî yê Abdullah Ocalanî ra esta?

 

Bi qeraro newe ameyo girewtiş de bi qanûnîbîyayîşê ke bingehê xo KHK ra gêno heqê xebardarîyê 3 hepsîyan bi 3 aşman ameyê sînorkerdiş. Derheqê avûkatan de qedexeyêke akerde babeta vetişî nêbo zî ma sey avûkatê ey nêeşkenê ey dir pêvînayîş bikerê. Ma her hewte sey keye û avûkat muracatê pêvînayîşî kenê. Êlûla 2016an heta nika ma bi tu hawa hepisxaneyê Îmralî ra zanayîş nêgirewto. Heme pêvînayîşî ameyî qûtkerdiş. Bêvengî esta.

 

*Nûkteya wedartişê tecrîdî de do hewldayîşêke cîya bibo?

 

Seba ma nê çareser bikerê ma heme muracatê xo dewam kenê. êdî no dîyaro ke azadîya Birêz Abdullah Ocalanî ferz a.