WAN - Hemwelatîyê berardişê ke bostan û erdê xo çînenê û serê rayîrî de roşenê dîyar kerdî ke yew sebebê krîzê ekonomî yê tewr pîl o yo ke piştdayîş seba berardişê mintiqa nîno dayîş.

 

Hemwelatîyê serê rayîrê Erdîşî yê Wanî berardişê ke bostanê xo ra anê û roşenê, krîzê ekonomî yê rojeve şîrove kerdî. Hemwelatî sebzeyê bostananê xo anê yê sey firingî, xiyar, petix, zebeş, îsot, fasule û xeylê bîn anê roşenê û hemwelatîyê ke gênê zî zaf kêfweş ê. Hem girewtekî û hem zî berardoxî vayîye rê kêfweş û goreyê market û manavan vayî tewr baş ê.

 

Heto bîn ra hemwelatîyan bale ante serê krîzê ekonomî ke her şino kûr beno û vatî yew sebebê ke tewr pîl ê krîzî ekonomî o yo ke seba berardişê mintiqa piştdayîş nîno dayîş û teşwîq nîno kerdiş.