Ronîda Hacî 

 

TIL TEMIR - Cinîya bi hêz û kedkar Şêxa Mihemede peme awe dana vatişê şaîrî ana vîr û vana: "Şêr şêr o çi cinîya çi camêrd o."

 

Şêxa Mihemda ke 46 serre ya, dewa Riguba yê girêdayê bajarê Til temirî de cuyena, domanî ya xo de musaya karê awdayîşî û bi heskerdiş karê xo dewam kena. 

 

Bi ruhê têduştî xebityenê

 

Şêxaye dîyar kerde ke domanîya xo ra musaya karê awdayîşî û wina vana: "Domanîya xo ra ez musaya karê awdayîşî, rast o zehmet o la weş o. Dimayê ke ez zewcyaya zî mi dest karê awdayîşî ra vera nêda, erdê ma estê û ez û mêrdeyê xo ma pîya berardiş kenê. Serê siba ra heta nîmeroj ez awe dana û mêrdeyê mi zî nîmeroj ra heta şan de dewam keno. Têduştîya mîyanê cinî û camêrdan de pîroz a."

 

'Peme feydeyîn o la germê emsar tesîr ci kerdo'

 

Şêxaye dewamê qiseykerdişê xo de wina va: "Peme fêdeyek ey zaf girîng esto cil ,zeyt ,rûn ci ra yeno berardiş û qirşê peme ra ma feyde gênê. Seba viraştişê nanê tenûre û tewqe. Emsar germbîyayîş tesîrê ci kerdo. La seba ke ma awe danê û derman kenê zî la reyna germayî zaf baş nîyo. Peme zaf awe ci rê lazım o. Jeneratorê ma esto û ma zî awe danê."

 

'Gerek ma fek ramitişî ra vera nêdê'

 

Şêxaye tewr peyîn qiseykerdişê xo de bale ante serê girîngîyê ramitişî û wina va: "Ramitiş tarîx de bi destê cinîyan ameyo kerdiş û cinî heta roja ewro pawenê. Ramitiş feydeyîn o û germbîyayîş zî kêm keno. No semed ra fek ramitişî ra vera nêdanê."