Nesrîn Hisên / Nûpelda Têkoşîn

 

ŞENGAL - Hemwelatîyê Şengalî derheqê hêrişê teyareyê şer ke hetê dewleta Tirk û hemkarê înan Iraqî ra Şengal de Gelîyê Şîlo virazya de reaksîyon mojnayî û ewnîyayîşê xo ardî ziwan. 

 

Hemwelatîyê Şengalî derheqê hêrişê vizîr Şengal Gelîyê Şîlo de ame meydan de qisey kerdî. Hemwelatîyan bi hawayêke şîdet no hêrişê ke bi xîyanatê virazyayo şermezar kerdî û dayî dîyarkerdiş ke no hêrişê ke serrgera qirkerdişê Koço de kerdî do nêro xovîrrakerdiş.

 

Cinîyanê Şengalî ra Rihîma Simko ya ke hêriş şermezar kerde wina va: “Erdogan seba şarê kurd çin bikero hemine dir hemkar o. Ma bi xo zanê çi ferman qirkerdiş ameyo serê komelê êzîdîyan, bi hemkariya dewleta tirkî virazyeno. Ma xiyanet û hemkariya Erdogan qebûl nêkenê, şermezar kenê ma do bêveng nêmanê. Heta ke ciwanêke, kurdêke dinya de bibo, do hesab bêro waştiş. Wa hesab nêkerê ke kurdî do bêrê çinkerdiş. Heta ke dilopêke gonî ganê ma de bibo ma do Şengal ra nêvejîyê." 

 

Cinîya ciwan Meyase Îdo zî wina va: "Vizîr serrgera qirkerdişê Koço bi. Seba vîrardişê şehîdê Koço şarê ma şibi vîrardiş. Bi 74 fermanê ke serê komelê êzîdî yeno kerdiş. La êzîdî nêameyê çinkerdiş. Heta ke yew êzîdî bibo do xo ver bidê. Ma Erdogan şermezar kenê. Wa Erdogan dizdî nê wa bêro eşkera şer bikero. Rojêke wina de hêrişkerdişê Şengalî bi hemkarî ameyo kerdiş. Heme kes bi Erdogan dir hemkar o. Eke Iraq hemkar nêbayne Erdogan nêeşkayne bi teyare bidayne piro. Wextê fermanî de kesêk ma rê hetkarî nêkerd. Eke hetkarî bikerdêne DAÎŞî hêrişê ma nêkerdêne. Hêrişê ke ser şarê êzîdî virazênê bi zîhniyetê kesê sey Erdoganî yenê kerdiş."

 

Edlên Reşo zî derheqê hêrişê teyareyê dewletê Tirkî de wina va: “Rojêke wina de adirê îxanetî geş kerdî. Teyareyê dewleta tirkî dayê Şengalî ro. Erdogan û Ebadî dest dayî yewbînan û îxanet ro ma kerdî. Heta domanêke, cinîyêke, xortêke êzîdiyan bibo, sereyê xo nê hêrişan nêdanê ro."

 

Elî Hemid Reşo zî hemkarîya Erdogan û Ebadî ard ziwan ke û qiseykerdişê xo wina derg kerde: "Vizîr serrgera qirkerdişê dewa Koço bi, Erdogan serê Şengalî de teyareyê xo eşrawit û hêriş kerd. Reyna waştî komelê êzîdî çin bikerê. Hîn kiştoxê ke qirkerdiş de cuya xo vinî kerdê cayê înan dîyar nîyo. Esteyê înan dîyar nîyê. Erdogan û Ebadî bi hemkarî serê ma de yenê. Şermezarkerdişê ma yê sereyîn Abadî û Barzanî rê yê eke înan bi Erdogan dir hetkarî nêkerdêne Erdogan nêeşkerdêne çîyêk bikero."