Habîbe Eren

 

ENQERE - Ekonomîst Guneş Gumuşe dîyar kerde ke îqtîdar seba weçînayîşê mintiqa bigîro do ekonomî gane bigîro û va: "AKP heta weçînayîşê mintiqa do vajê ma deyn nêwazenê. La dimayê weçînayîşê mintiqa do vajê ma deyn nêwazenê. Labelê dimayê weçînayîşî do bi IMFî dir pêameyîş bikerê û seba bar bidê ser milê feqîran û şar do reçeteyê bi dej bîyarê meydan. Aşmê bêrê de girêdayê îflasê şîrketan do kar ra eştiş dest pêbikerê.

 

Ekonomîst Guneş Gumuşe derheqê krîzê ekonomî û nîşaneyê ekonomî yê wextê peyîn de şîrove kerde. Guneşe da zanayîş ke AKPî şert û mercê ekonomî seba xo û berjewendîyê sermayeyî hetgirê xo wêran kerdê û pereyê germ bi lezgînî herikyayo, no pere kerdê sektorê înşatî.

 

Guneşe da zanayîş ke AKP reyna seba hesabê xo yê polîtîk do tengbîyayîşê ekonomî taloqê do dimayê weçînayîşê mintiqa bikero û hacetê mudaxalekerdişê vindîkerdişê TL do nêxebitno.

 

'Do fatura şarî ra bêro birnayîş'

 

Guneşe dewamê qiseykerdişê xo de arde ziwan ke AKP heta prosesê weçînayîşê mintiqa do bernameyêke ekonomî şar ci ra nêrazî nêro meydan û va: "AKP seba weçînayîşan de netîce bigîro do patronan rê berê turik abikero û bi no hawa do ekonomî sey rayîra şino bimojnê. Bernameyê 100 rojî yê Tayyîp Erdogan eşkera kerdo butçe 46 mîlyar TL yo. La dimayê weçînayîşan do bi IMF dir pêameyîş bikerê û fatureyê krîzî do bibirnê." 

 

'Pîlbîyayîşêke xo siperneno deyn ame cuyayîş'

 

Guneşe wina va: "AKP 16 serrî îqtîdarê xo de bi piştdayîşê konjoktorê ekonomî yê mîyanneteweyî, pîlbîyayîşêke spernayne deyn cuya. Şîrketê taybet tewirê dovîz de deyndar ê. Seba deyn bêrê dayîş zî lazimî bi pereyê germ yê teberê welatî esto. Heto bîn ra Tirkîya bi hawayêke cidî hetê weçînayîş de girêdayê îthalatî yo. Seba têkiliyê bi DYAyî vayîye dolar û vindîkerdişê TL problemê pîl vejîyeno meydan. Dolar sînorê 7 TL de yo. Ekonomî xeylê het ra tengezar bîya." 

 

'Ganî têkoşîn bêra berzkerdiş'

 

Guneşe tewr peyîne wina va ke heta weçînayîşê mintiqa xêrcê cigêrayîşê deyn yê AKP çîyêk bîn nêeşkeno bêro kerdiş û va: "AKP sey sere de çi kerdo do reyna heme bar bidê ser milê feqîran. No semed ra zî seba bedelê nê krîzê bi şarê kedkar nêro dayîş gerek têkoşîn bêro berzkerdiş."