ŞIRNEX - Prosesê qedexeyê tebervejîyayîşî yê Şirnexî de se ra 70ê awanîyan amebî rijnayîş û hemwelatîyî xover danî. TOKÎ her cayê bajarî de çalan binita û dormeyê bajarî bi asinan lefnaya. Hemwelatîyê Şirnexî reaksîyon nîşan dayî na rewşe û dîyar kerdî ke ganî no problem bêro çareserkerdiş.

 

Seke yeno zanayîş bajarê Şirnexî de prosesê qedexeyê tebervejîyayîşî de se ra 70ê awanîyan amebî rijnayîş û 8 tena taxan de bi hezaran awanîyî amebî rijnayîş. Herinda awanîyan de xebatê TOKÎ dîyayî destpêkerdene. Nîno zanayîş ke do kamî wext awanî teslîmê keyeyan bêrî kerdene. Rijnayîşê awanîyan vera cayê cuye nêmendî û hemwelatîyî xover danî.

 

Kepçe, wesayîtê kar, asin û têkoşnê bedilnayîşê keyeyan

 

Xebatê TOKÎ badê pêrodayîşan dîyayî destpêkerdene û hema hema se ra 70ê bajarî dagir kerdî. Awanîyê ke mendî zî rîskê rijnayîşî reyde rî bi r  yî. Katê awanîyan 10 katî vîyarnenî û cayêk daxî bê rijnayîş çin o. Wesayîtî nêeşkenî bikewî taxan û hemwelatîyî badê xeylê astengîyan resenî keyeyê xo.

 

Di doman kewtî çalan

 

Germîya hamnanî vera her ca bîyo well û şar texteyan roneno çalan ser û bi no hawa rayir şonî. Her çend ke şar reaksîyon binawno zî şaredarî tu xebatêk nêkena. Hemwelatîyê taxa Yeşîlyurtî dîyar kerdî ke 2 domanî kewtî çalê ke seba kanalîzasyonan ameyî akerdiş û cuya xo vînî kerdî. 

Her çend ke muracatê îdarekaran bêro kerdiş zî tu gamêk nîno eştiş.