STENBOL - Dayîkê Şemeyî seba 700in hewteyê çalakîya xo veng dayî û vatî: "Tu zî bê Galatasaray.”

 

Dayîkê Şemeyî serra 1995an ra heta nika seba aqûbetê vindîbîyayeyanê xo pers bikerê her hewte Warê Galatasarayî de yenê têhet. Çalakî de her hewte aqûbetê vindîbîyayeyêke yeno/a perskerdiş û pankartê ‘Kiştox dîyar ê, vindî ça de yê' yenê akerdiş, fotografê kesê ke tepişnaye de ameyê vindîkerdiş yenê pêgirewtiş.

 

Dayîkî seba hewteyê 700ine xo amade kenê û vengdayîşê ‘hewteyê 700ine de tu zî bê Galatasaray’ kerdî. Dayikê Şemeyî bi wesîleyê hewteyê 700ine de afîş amade kerdê vatişê ‘700 hewte derbaz bi, xoverdayîşê mi kêm nêbeno, qerenfîlê mi nêçelmisyayî, bendemayîşê mi nêqedya, bêrîkerdişê mi kêm nêbeno, hêviyê mi vindî çin nêbî, baweriya mi vindî nêbî' ca girewtî.

 

Bi wesîleyê hewteyê 700î de do sînevîzyonê hîrê deqeyî zî bêrê mojnarayîş.