MÊRDÎN - Gelîyê Awa Spî ya bi weşikbîyayîşê xo ya xoza bale ancena û mabêne Nisêbîn- Mîdyad de ya, vera ocaxê sîyan ke bi serran ê mintiqa de xebatan meşnenê bi xetereyê çinbîyayîşê dir rî bi rî ya. Ocax ke pêwa hişyariyan nîno girewtiş zirar dano heme ganeyê mintiqa.

 

Tesîsê Kirmataş û Betono Amade yê aîdê Metal Înşatî yo û Çemê Awa Spî ya mabêne qezaya Nisêbîn û Mîdyat ê Mêrdînî de ya, cuya heme ganeyan tehdîd kena. Ocaxê sîyan ke bi 10 serre yo meriyet de ya, mintiqa no prosesî de rayîr ver zirarê pîl akerd. Pêwa ke şarê mintiqa bi desan rey gerre kerd û muracatê sucî kerdî zî la pêwake ocax kaçax o zî nîno padayîş.

 

Zirarê ke danê gelî pîl o

 

Gelîye 20 kîlometre rayîrê Nisêbîn û Mîdyat de ya, Çemê Çag Çag de weşikîyê çar mewsîmî hewêneno. Awa spî ya ke lazimîya awa Mêrdînî yena meydan bi taybetî aşmê hamnanî de bala şarê mintiqa û turîstan ancena. Wayîrê kargeriyê awa spî dîyar kenê ke ê bi akerdişê ocaxî dir vurnayîşê çemî baş vînenê û vatî rewşa ocaxî faliyetê dewam bikero de do çem zirarêke pîl vîneno.

 

Cuyayîş çin beno

 

Ocaxo ke ko de ameyo akerdiş heta nika bi seyan dar û ganî çin kerd. Ocaxo ke ko keneno, zinaran de her roj bi desan dînamît yenê teqnayîş. Bi teqnayîşê dînamîtan dir heywanî yenê qetilkerdiş û seba leqnayîşê teqnayîşî zirar dano çimeyî awe zî. Herra ke ocax ra yena şarî zî nêrehet keno û awe zî seba ci lêşîn yena.

 

Pêwa kaçaxî nîna padayîş

  

Ekolojîstan verê zî bi desan rey seba ocax veng dayî û kampanyayêke îmzeyan dayî destpêkerdiş. Pêwa muracatê sucî yê dewijan û wayîrê kargeriyan zî ocax kaçax o la nîno padayîş.